完整藏文原文 · 德格版页 当前仅加载第 77 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
བག་ཆགས་དག་ལས་ནམ་མཁའི་དཀྱིལ་དུ་རྨི་ལམ་དང་མཚུངས་མཐོང་ཞེས་གྲགས། །གང་ཕྱིར་དམུས་ལོང་མིག་མེད་ཡིད་ཀྱིས་དེ་ནི་མིག་དང་ལྡན་ཞིང་མ་ཡིན་དེ་ཕྱིར་མིན། །མིག་གི་རྣམ་ཤེས་ཁམས་ལས་མིག་དང་བཅས་པས་ཕྱི་རོལ་གཟུགས་ལས་
D363.077.0137a01.01ཡིན་གྱི་བག་ཆགས་མིན། །གང་ཞིག་སྒྲ་རྣམས་མ་ལུས་རྣ་བས་ཐོས་པ་དེ་ཡང་འོན་པ་རྣམས་ཀྱིས་ཐོས་མ་ཡིན། །སྣ་ནད་བཅས་པས་གང་ཞིག་དྲི་ཡི་རྡུལ་ཕྲན་འདུས་པ་མིན་ཞིང་ནད་མེད་པས་དེ་འཛིན། །ལྕེ་ཡི་ནད་ཅན་རོ་མི་མྱོང་ལ་དེ་ཉིད་ལ་ཡང་ནད་མེད་ལྕེ་ཡིས་མྱོང་བར་
D363.077.0137a02.01བྱེད། །རྣམ་པར་ཤེས་པ་སྐྱེ་མཆེད་བཅུ་གཉིས་རྣམ་པར་བྲལ་བ་ཚད་མས་བསྒྲུབ་པར་བྱ་བ་མིན། །རྡུལ་ཕྲན་འདུས་པའི་འགྲོ་བས་ཀྱང་ནི་འགྲོ་བ་མཐོང་ནས་མི་ཤེས་པ་ཡིས་ཚད་མ་ཡི། །དྲག་པོ་དང་ནི་ཚངས་པའང་སེང་གེས་ཀྱང་ནི་ཤེས་པ་རྣམ་པར་རིག་པ་ཙམ་དུ་
D363.077.0137a03.01བྱས། །རྡུལ་ཕྲན་རྣམས་ཀྱི་བྲལ་བ་མཐོང་ནས་ཐིམ་པར་འགྱུར་རམ་བསྡུས་སམ་ཡང་ན་འགག་པར་འགྱུར། །སྐྱེ་བ་མེད་ཅིང་འགག་པ་མེད་ལ་མང་པོ་འདུས་སམ་འདུས་པ་མིན་པར་རབ་ཏུ་བྱུང་། །འདི་ནི་ཐུབ་པས་ནམ་མཁའི་ཚད་མ་བྱས་ལ་རྒྱལ་བ་རྣམས་ཀྱི་སྟོང་པ་ཉིད་ཀྱི་
D363.077.0137a04.01ཡང་། །རང་རྒྱལ་རྣམས་དང་ཉན་ཐོས་ལྷ་དང་ལྷ་མིན་ཀླུ་དང་བདག་ལྟ་བུ་ཡི་རྒྱལ་སྲས་རྣམས། །གཟའ་དང་རྒྱུ་སྐར་རྣམས་དང་ནམ་མཁའ་ས་སྟེང་དག་ཏུ་སྐྱེས་པ་བུད་མེད་དྲང་སྲོང་རྣམས། །ཁྲོ་བོ་རྣམས་དང་སྲིན་པོ་ཤ་ཡི་དམ་ཚིག་ཅན་གྱི་སྟག་གཟིག་བྱོལ་སོང་དམྱལ་བ་
D363.077.0137a05.01རྣམས། །གང་ཞིག་རྣམ་པར་མི་རྟོག་དང་ལྡན་རང་གཞན་བྲལ་བ་སྟོང་ཉིད་དུས་གསུམ་ངོ་བོ་ཉིད། །རྣམ་པ་ཐམས་ཅད་རྡུལ་ཕྲན་གྱིས་སྟོང་ནམ་མཁའི་དཀྱིལ་ལྟར་སོན་པའི་རྨི་ལམ་སྒྱུ་མ་བཞིན། །གང་ཞིག་ཐམས་ཅད་མཁྱེན་པ་གཟིགས་པ་དྲི་མ་གསུམ་བྲལ་རྣམ་
D363.077.0137a06.01པར་མི་རྟོག་དེ་མ་ཡིན། །གང་གིས་དེ་རྟོགས་སེམས་ལ་དྲི་མེད་དྲི་མར་ལྡན་པ་མཁྱེན་པ་ཉིད་ནི་སངས་རྒྱས་ཏེ། །གང་ཞིག་སྦྱིན་པ་ལ་སོགས་ལམ་དང་དགེ་བཅུ་ལམ་དང་བྱང་ཆུབ་ཕྱོགས་སོགས་ཆོས་རྣམས་དང་། །བྱམས་པ་ལ་སོགས་གནས་དང་རང་བཞིན་བྲལ་བ་
D363.077.0137a07.01