完整藏文原文 · 德格版页 当前仅加载第 77 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རང་རྒྱལ་དེ་ནི་སངས་རྒྱས་ཉིད། །མགྲིན་པར་ཉི་མ་དེ་བཞིན་དྲི་མ་གསུམ་བྲལ་སེམས་དཔའ་ཆེན་པོ་ཉན་ཐོས་ཉིད་དུ་འགྱུར། །དཔྲལ་བར་རླུང་གི་དབང་པོ་འགགས་པས་བདེ་བ་དང་བཅས་དམ་ཚིག་སེམས་དཔའ་སྟོན་པའི་སྲས། །ལྟེ་བའི་འཁོར་
D363.077.0133b01.01ལོར་མི་འགྱུར་མཆོག་གི་བདེ་བ་གང་ཞིག་ཁྲོ་བོའི་དབང་པོའི་རྩ་བཞི་དང་། །སུམ་ཅུ་རྩ་གཉིས་དང་ལྡན་རོ་ལ་རོ་ཡིས་བསྒྱུར་བ་གང་ཞིག་བདེ་མཆོག་འཁོར་ལོ་གསུམ། །ལག་པ་རྐང་པའི་རུས་པའི་དུམ་བུ་བརྒྱད་དང་ལག་མཐིལ་སོར་ཚིགས་དུམ་བུ་རྣམས། །
D363.077.0133b02.01འཁོར་ལོ་དྲུག་གི་རྩ་རྣམས་འདིར་ནི་ཉིས་འགྱུར་བདེ་མཆོག་ཆེན་པོའི་རྣལ་འབྱོར་མ་རྣམས་ལ། །གཙུག་ཏོར་རྩ་བཞི་རྣམས་སུ་འཕོ་བ་རྣམ་པར་བྲལ་དང་དེ་བཞིན་ཆོས་ཀྱི་འཁོར་ལོ་བརྒྱད། །མགྲིན་པ་སུམ་ཅུ་རྩ་གཉིས་རྣམས་སུ་འགྱུར་ཏེ་དྲུག་ཅུ་རྩ་བཞི་ལྟེ་བའི་འཁོར་
D363.077.0133b03.01ལོ་རུ། །གང་ཞིག་ཟླ་བའི་ཆ་ཡིས་གང་བ་མགོ་བོ་དཀར་པོ་དེ་འདིར་གསང་བར་དཀར་པོའི་ཆ། །འཁོར་ལོའི་རྩ་རྣམས་ཡང་ནི་མཆོག་ཏུ་མི་འགྱུར་བདེ་བ་དུས་ཀྱི་འཁོར་ལོ་ལྷག་པའི་ལྷ། །དུས་ནི་དྲུག་ཅུས་ལྷག་དང་བཅས་པའི་བརྒྱ་ཕྲག་གསུམ་སྟེ་ཚིགས་མཚམས་
D363.077.0133b04.01རྣམས་ཀྱང་རྡོ་རྗེའི་སྐུ། །རྒྱུ་སྐར་རྣམས་ཀྱི་དབྱུ་གུ་ནམ་མཁའ་ལག་པ་རྒྱལ་པོ་དེ་ཡང་དང་པོའི་སངས་རྒྱས་གསུངས། །ཟླ་བའི་ཆ་ཤས་སུམ་ཅུ་ནམ་མཁའ་ནམ་མཁའ་གདེངས་ཅན་ཟླ་བའི་རྩ་ནི་ཟླ་བཟང་ངོ་། །རྩ་དང་བ་སྤུ་གང་ཞིག་མ་ལུས་ལུས་ལ་གནས་པ་རྡོ་རྗེ་མྱུ་
D363.077.0133b05.01གུའི་མིང་ཅན་ཏེ། །རྡོ་རྗེ་ཆུ་དང་བཤང་བ་ཁྲག་རྣམས་ལུས་ཀྱི་སྟོང་པ་ཉིད་ཀྱིས་ལྕེ་ཡིས་བལྡག་པར་འགྱུར། །བྱམས་པའི་ཚེམས་ཀྱིས་གདོང་དང་ལག་པ་རྐང་པའི་ཤ་རྣམས་ཟོས་པས་དེས་ན་དྲག་པོ་ལ། །མངོན་ཤེས་ལྔ་ཡི་ཞལ་ཆེན་ཡུལ་གྱི་ཕྱུགས་ཀྱི་ཚོགས་རྣམས་
D363.077.0133b06.01ཟོས་པས་དེས་ན་སེང་གེ་སྟེ། །བསོད་ནམས་ཡེ་ཤེས་ཚུལ་ཁྲིམས་དམ་པ་དྲི་མ་གསུམ་བྲལ་དུས་ཀྱི་འཁོར་ལོ་སྤྱན་གསུམ་པ། །དཔལ་ལྡན་འདུས་པར་སྐུ་རྣམས་གང་ཞིག་ཡུལ་དང་ཡུལ་ཅན་སྲོག་ཆགས་ལས་ཀྱི་མཐུ་ལས་བྱུང་། །དེར་ནི་འགའ་ཞིག་ཁམས་རྣམས་དེ་
D363.077.0133b07.01