完整藏文原文 · 德格版页 当前仅加载第 80 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཕྲག་བདུན་ཅུ་རྩ་གཉིས་ཀྱི་བདག་ཉིད་ཀྱི་རྩའི་དྲ་བ་འདར་ཞིང་གཡོས་པ་ཙམ་གྱིས་ཚུལ་ཤར་རོ། །ཚུལ་ཤར་བས་ཐིག་ལེའི་རྒྱལ་པོ་ཞུའོ། །ཐིག་ལེའི་རྒྱལ་པོ་ཞུ་བ་ལས་སྟེང་དང་འོག་ན་གནས་པའི་དགའ་བསྐྱེད་བྱེད་མ་རྣམས་ལ་འདུས་པའོ། །དེ་སྐད་ཅེས་ཐོས་ནས་བཅོམ་ལྡན་
D421.080.0091b01.01འདས་ཀྱི་ཞབས་ལ་མགོ་བོས་ཕྱག་འཚལ་ཏེ། དམ་དུ་འཁྱུད་པ་བྱས་ནས་མ་མཆུའི་བདུད་རྩིའི་བཏུང་བས་དགྱེས་པར་བྱས་ཏེ་ཕྱི་ནས་ཡང་ཞུ་བ་མཛད་དོ། །ཀྱཻ་བཅོམ་ལྡན་འདས་དགའ་བྲལ་གྱི་དགའ་བའི་དུས་སུ་འདུས་པ་ལགས་ན། དེ་ལ་སྦྱོར་བ་མེད་པ་གང་གི་དུས་ལགས། བཅོམ་
D421.080.0091b02.01ལྡན་འདས་ཀྱིས་བཀའ་སྩལ་པ། དྲིས་པ་ཡང་དག་དགྱེས་པ་མཆོག །སངས་རྒྱས་རྣམས་ཀྱིས་རྙེད་དཀའ་བ། །དགའ་བྲལ་དུས་སུ་སྦྱོར་བ་མེད། །དེ་ནི་དགའ་བྲལ་དགའ་བ་མིན། །བཅོམ་ལྡན་འདས་མས་གསོལ་བ། ཀྱཻ་བཅོམ་ལྡན་འདས་དགའ་བྲལ་གྱི་དགའ་བ་
D421.080.0091b03.01དང་དགའ་བྲལ་ལ་ཁྱད་པར་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། དགའ་མོ་ཁྱོད་ཅིའི་ཕྱིར་དེ་སྐད་ཅེས་སྨྲ། དགའ་བྲལ་གྱི་དགའ་བ་དང་དགའ་བྲལ་གཉིས་ལ་ཁྱད་པར་ཆེར་ཡོད་པ་དེ་བརྗོད་པར་བྱའོ། །གང་ཞིག་དགའ་བྲལ་གྱི་དགའ་བ་དེ་ཞུ་བ་གནས་པ་སྟེ་འཕོ་
D421.080.0091b04.01བ་ལ་སོགས་པ་དང་བྲལ་བའོ། །གང་ཞིག་དག་འབྲལ་དེ་ནི་དགའ་བ་དང་བྲལ་བ་ཞུ་བ་འཕོ་ཞིང་འཇིག་པའོ། །དགའ་བྲལ་གྱི་དགའ་བ་ནི་ཞུ་བ་གནས་པ་སྟེ། འཕོ་བ་ལ་སོགས་པ་དང་བྲལ་བའི་ཕྱིར་རང་གིས་ཉམས་སུ་མྱོང་བའི་ངོ་བོའོ། །བཅོམ་ལྡན་འདས་མས་གསོལ་
D421.080.0091b05.01བ། རང་གིས་ཉམས་སུ་མྱོང་བའི་མཚན་ཉིད་དགའ་བྲལ་གྱི་དགའ་བ་དང་། ལྷན་ཅིག་སྐྱེས་པའི་དགའ་བའི་ཁྱད་པར་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་སྐྱེས་པའི་དགའ་བ་ནི་དངོས་པོ་ཡང་མ་ཡིན། དངོས་པོ་མ་ཡིན་པ་ཡང་མ་ཡིན། གསང་
D421.080.0091b06.01བ་ཡང་མ་ཡིན། ཡེ་ཤེས་ཀྱང་མ་ཡིན། ཡེ་ཤེས་ལས་བྱུང་བ་ཡང་མ་ཡིན། སྲིད་པ་ཡང་མ་ཡིན། མྱ་ངན་ལས་འདས་པ་ཡང་མ་ཡིན། ཆར་ཡང་མ་ཡིན། ཐིག་ལེ་ཡང་མ་ཡིན། ཚུལ་ཡང་མ་ཡིན། ཚུལ་ཙམ་ཡང་མ་ཡིན། མཆོག་ཀྱང་མ་ཡིན། གཞན་
D421.080.0091b07.01