完整藏文原文 · 德格版页 当前仅加载第 80 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཀྱང་མ་ཡིན། ཤར་བ་ཡང་མ་ཡིན། ནུབ་པ་ཡང་མ་ཡིན། གཟུགས་ཀྱང་མ་ཡིན། སྒྲ་ཡང་མ་ཡིན། དྲི་ཡང་མ་ཡིན། རོ་ཡང་མ་ཡིན། རེག་བྱ་ཡང་མ་ཡིན། ཡི་གེ་ཡང་མ་ཡིན། རྟེན་ཡང་མ་ཡིན། བརྟེན་པ་ཡང་མ་ཡིན། ཁམས་
D421.080.0092a01.01ཀྱང་མ་ཡིན། ཤེས་རབ་ཀྱང་མ་ཡིན། ཐབས་ཀྱང་མ་ཡིན། ཐིམ་པ་ཡང་མ་ཡིན། ལོངས་སྤྱོད་ཀྱང་མ་ཡིན། དབང་ཡང་མ་ཡིན། སྤྲུལ་པ་ཡང་མ་ཡིན། ཆོས་ཀྱང་མ་ཡིན། ལོངས་སྤྱོད་ཀྱང་མ་ཡིན། ལུས་ཀྱང་མ་ཡིན། ངག་ཀྱང་མ་ཡིན། ཡིད་ཀྱང་མ་ཡིན་
D421.080.0092a02.01རྣམ་པ་ཐམས་ཅད་དང་རྣམ་པར་བྲལ་བ། མི་ཟད་པ། དྲི་མ་མེད་པ། སྐྱེ་བ་མེད་པ། འགག་པ་མེད་པ། རྟག་ཏུ་ཤར་བའོ། །བཅོམ་ལྡན་འདས་མས་གསོལ་བ། དེ་ལྟ་བུའི་ལྷན་ཅིག་སྐྱེས་པའི་དགའ་བ་གང་ལས་རྙེད། བཅོམ་ལྡན་འདས་ཀྱིས་བཀའ་སྩལ་པ། དགའ་
D421.080.0092a03.01བྲལ་གྱིས་དགའ་བ་ཉམས་སུ་མྱོང་བ་ལས་རྙེད་དེ། དེ་བཞིན་དུ་བསམ་གཏན་ལ་སོགས་པས་མ་ཡིན་ནོ། །བཅོམ་ལྡན་འདས་མས་གསོལ་བ། ལྷན་ཅིག་སྐྱེས་པའི་དགའ་བ་དེ། དགའ་བྲལ་གྱི་དགའ་བའི་ཉམས་སུ་མྱོང་བའི་རྒྱུ་ལགས་སམ་འབྲས་བུ་ལགས། བཅོམ་ལྡན་
D421.080.0092a04.01འདས་ཀྱིས་བཀའ་སྩལ་པ། ལྷན་ཅིག་སྐྱེས་པའི་དགའ་བའི་རྒྱུ་ཡིན་ཏེ་འབྲས་བུ་ནི་མ་ཡིན་ནོ། །བཅོམ་ལྡན་འདས་མས་གསོལ་པ། ལྷུན་གྱིས་གྲུབ་པའི་ལྷན་ཅིག་སྐྱེས་པའི་དགའ་བ་འབྱུང་བ་ལ་རྒྱུའི་དངོས་པོས་དགོས་པ་ཅི་མཆིས། རང་བཞིན་མེད་པའི་ཕྱིར་རོ། །ཇི་ལྟར་
D421.080.0092a05.01བསྲེག་པ་ལ་དུད་པ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེ་སྐད་དུ་སྨྲ་བ་ནི་ཚད་མ་མ་ཡིན་ཏེ། དང་པོར་བསྲེག་པ་མེད་པར་དེར་དུད་པ་འབྱུང་བ་གང་ལས་འོང་། དེ་ལྟ་བུའི་རིགས་ལས་ལྷན་ཅིག་སྐྱེས་པའོ། །བཅོམ་ལྡན་འདས་མས་གསོལ་པ། དེ་ལྟར་ལགས་
D421.080.0092a06.01ན་ལྷན་ཅིག་སྐྱེས་པ་ལས་དགའ་བྲལ་གྱི་དགའ་བ་ནི་རྒྱུ་ཡང་ཡིན་ལ་འབྲས་བུ་ཡང་ཡིན་ན། འོན་ཀྱང་འདིར་རྒྱུ་ནི་གཉིས་སུ་དབྱེ་བ་དང་། འབྲས་བུ་ཡང་གཉིས་སུ་དབྱེ་སྟེ། གསལ་བའི་རྒྱུ་དང་། འབྱུང་བའི་རྒྱུའོ། །འབྲས་བུ་ཡང་དེ་བཞིན་ནོ། །བཅོམ་ལྡན་འདས་མས་གསོལ་
D421.080.0092a07.01