完整藏文原文 · 德格版页 当前仅加载第 80 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
མཐུ་ཅི་ཙམ་ཞིག་མཆིས་ལགས། །བཅོམ་ལྡན་འདས་ཀྱིས་བཀའ་སྩལ་པ། གྲུབ་པ་ཙམ་གྱིས་ཁམས་གསུམ་ཐམས་ཅད་དབང་དུ་བྱེད་པར་འགྱུར་རོ། །རྣལ་འབྱོར་པ་ཁྲོ་བོའི་ལྟ་བས་འབུམ་ཕྲག་གཅིག་བཟླས་པ་བྱེད་ན། ལྷ་མ་ཡིན་གྱི་དབང་པོ་ལྟ་བུ་ལ་འབུམ་ཕྲག་
D421.080.0096b01.01གཅིག་གིས་གསོད་པར་བྱེད་དོ། །ཞི་བའི་ཚུལ་གྱིས་བཟླས་པ་བྱས་ན་གྲངས་མེད་པའི་ནད་དང་། ཉོན་མོངས་པ་དང་། དབུལ་པོ་དང་། མཛེ་དང་། ཕོལ་མིག་འཇིག་པར་བྱེད་དོ། །ཕྲ་མོའི་གྲུབ་པ་བརྒྱད་སྐད་ཅིག་གིས་བྱེད་དོ། །གཞན་ཡང་ལས་དུ་མ་རྗེས་སུ་འབྲང་བར་
D421.080.0096b02.01བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བཅོམ་ལྡན་འདས་མ་ལེགས་དགྱེས་དབང་མོ་སྟན་ལས་ལངས་ནས་མགོ་བོས་ཕྱག་འཚལ་ཏེ། འཁོར་ཐམས་ཅད་དང་ལྷན་ཅིག་ཏུ་ལན་གསུམ་དུ་བསྐོར་བ་བྱས་ནས་རང་རང་གི་རྫུ་འཕྲུལ་གྱིས་མཆོད་པ་བྱས་ཏེ། བཅོམ་
D421.080.0096b03.01ལྡན་འདས་མཆོག་གི་དབང་ཕྱུག་ལེགས་སོ་ལེགས་སོ་ཞེས་བརྗོད་ནས་ཡང་གཉིས་སུ་མེད་པའི་སྦྱོར་བས་བཞུགས་སོ། །དེའི་དུས་སུ་ནམ་མཁའ་ལ་མེ་ཏོག་རྣམ་པ་སྣ་ཚོགས་པའི་ཆར་དང་། རིན་པོ་ཆེ་སྣ་ཚོགས་ཀྱི་ཆར་ཆེན་པོ་བཅོམ་ལྡན་འདས་ཀྱི་ཞབས་ཀྱི་དྲུང་དུ་བབས་པར་གྱུར་ཏོ། །
D421.080.0096b04.01དེ་ནས་བཅོམ་ལྡན་འདས་མེ་ཏོག་དང་རིན་པོ་ཆེ་དེ་དག་གི་ཐོག་ཏུ་ཆིབས་ཏེ། འཁོར་དང་བཅས་པ་མི་སྣང་བར་གྱུར་ཏོ། །དཔལ་ཡེ་ཤེས་སྙིང་པོ་ལས་གསང་བའི་དཀྱིལ་འཁོར་འབྱུང་བའི་དོན་ཞེས་བྱ་བའི་ལེའུ་སྟེ་བཞི་པའོ།། །།དཔལ་ཡེ་ཤེས་སྙིང་པོ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་
D421.080.0096b05.01ཀྱི་རྒྱལ་པོའི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་དཔལ་ཤེས་རབ་གསང་བའི་ཞལ་སྔ་ནས་བསྒྱུར་བའོ། །དཔལ་ཕྱག་རྒྱ་ཆེན་པོའི་ཐིག་ལེ་རྣལ་འབྱོར་མའི་རྒྱུད་ཀྱི་རྒྱལ་པོའི་ཕྱི་མའི་ཕྱི་མའོ།།
D421.080.0096b06.01