完整藏文原文 · 德格版页 当前仅加载第 80 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཞི་བ་ནི་རྒོད་པའོ། །རྒྱས་པ་ནི་བལྟ་བའོ། །དབང་ནི་ལག་པས་འཁྱུད་པས་སོ། །དྲག་པོ་ནི་གཉིས་ཀྱིས་གཉིས་སྙོམས་པར་འཇུག་པའོ། །དེ་རྣམས་ལ་སྤྱོད་པའི་ཚངས་པའི་གནས་པའི་སྤྱོད་པ་དང་།
D421.080.0093b01.01བརྟུལ་ཞུགས་ཆེན་པོའི་སྤྱོད་པ་དང་། གོས་བྲལ་གྱི་བརྟུལ་ཤུགས་ཀྱི་སྤྱོད་པ་དང་། རང་དབང་གི་སྤྱོད་པས་སོ། །དཔལ་ཡེ་ཤེས་སྙིང་པོ་ལས་ཕྱག་རྒྱ་ཆེན་པོ་དང་། དབང་བསྐུར་བའི་དོན་ཞེས་བྱ་བའི་ལེའུ་སྟེ་གཉིས་པའོ།། །།བཅོམ་ལྡན་འདས་མས་གསོལ་
D421.080.0093b02.01བ། དབང་བསྐུར་བའི་དུས་སུ་དཀྱིལ་འཁོར་རྣམས་ཇི་ལྟ་བུ། སློབ་དཔོན་ནི་ཇི་ལྟ་བུས་བྱ། བཅོམ་ལྡན་འདས་ཀྱིས་བཀའ་སྩལ་པ། སློབ་དཔོན་གྱི་དབང་བསྐུར་བའི་དུས་སུ་རྡུལ་ཚོན་ལ་སོགས་པའི་དཀྱིལ་འཁོར་རོ། །གསང་བའི་དབང་ལ་བླ་མ་ལ་དབུལ་བའི་དཀྱིལ་འཁོར་ནི་
D421.080.0093b03.01རང་བྱུང་གི་མེ་ཏོག་དང་ལྡན་པའི་མེ་ཏོག་གིས་སོ། །ཤེས་རབ་ཡེ་ཤེས་ཀྱི་དབང་གི་དུས་སུ་བྱང་ཆུབ་ཀྱི་སེམས་དང་ལྡན་པའི་བཞི་མཉམ་གྱིས་སོ། །བཞི་པའི་དུས་སུ་གཞན་མ་ཡིན་པ་བྱང་ཆུབ་ཀྱི་སེམས་འབའ་ཞིག་དཀྱིལ་འཁོར་གྱིས་སོ། །དེ་ལ་སློབ་དཔོན་ནི་མཚན་ཐམས་ཅད་ཀྱིས་
D421.080.0093b04.01བརྒྱན་པ་དང་། རྒྱུད་ཐམས་ཅད་མཁྱེན་པ་དང་། དབང་བསྐུར་བ་ལ་མཁས་པ་དང་། ཐུགས་རྗེ་དང་ལྡན་པ་དང་། རྒྱ་ཆེ་བ་ལ་མོས་པ་དང་། སྔགས་ལ་སོགས་པ་དང་། རབ་ཏུ་སྦྱོར་བ་ལ་མཁས་པ་དང་། དངོས་གྲུབ་ཐོབ་པའི་སློབ་དཔོན་ལ་སོགས་པས་དབང་བསྐུར་བ་དང་།
D421.080.0093b05.01དངོས་གྲུབ་ཐོབ་པའི་བླ་མའི་བཀའི་གནང་བ་ཐོབ་པ་དང་། ཡང་ན་རང་ཉིད་དངོས་གྲུབ་ཐོབ་པ་དེས་ནི་དཀྱིལ་འཁོར་དང་། དབང་བསྐུར་བའི་རིམ་པ་དང་། སྒྲུབ་ཐབས་ལ་སོགས་པ་བྱའོ། །དེ་བཞིན་དུ་རྟོག་གེ་པ་ལ་སོགས་པས་ནི་མ་ཡིན་ནོ། །བཅོམ་ལྡན་འདས་མས་གསོལ་པ།
D421.080.0093b06.01ཀྱཻ་བཅོམ་ལྡན་འདས་སློབ་དཔོན་གྱི་ནི་དབང་བསྐུར་བའི། །དཀྱིལ་འཁོར་མཚན་མ་ཇི་ལྟར་ལགས། །དཀྱིལ་འཁོར་གྱི་ནི་ཚད་ཇི་ཙམ། །གཙོ་བོ་བདག་པོ་ཡང་ནི་གང་། །ངོ་བོ་གང་གིས་སློབ་མ་གཟུང་། །ལས་ཀྱི་སློབ་དཔོན་ཇི་ལྟ་བུ། །མཆོད་པ་རྣམས་ནི་ཇི་ལྟར་ལགས། །
D421.080.0093b07.01