完整藏文原文 · 德格版页 当前仅加载第 82 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་མཛེས། །བུ་མོ་རིན་ཆེན་འདྲ་བ་ཡིས། །བརྒྱན་ཏེ་བླ་མ་ལ་དབུལ་བ། །ཡོན་དེ་པདྨའི་རིགས་ཡིན་ནོ། །རྒྱལ་པོ་དང་ནི་དབང་ཕྱུག་དང་། །ཆུང་མ་འཕྲུལ་གྱི་བཞོན་པ་སོགས། །གླང་པོ་རྟ་ནི་ཤིན་ཏུ་བརྒྱན། །དེ་བཞིན་གཤེགས་པ་
D451.082.0041a01.01ཀུན་གྱི་རྗེ། །ནན་ཏན་བླ་མ་དབུལ་བྱ་བ། །སྣ་ཚོགས་རྡོ་རྗེའི་རིགས་ཡིན་ནོ། །དེ་རྣམས་བཞི་དང་འགྱུར་བ་དང་། །མི་འགྱུར་བ་ཡི་བྱེ་བྲག་གིས། །གསུམ་དུ་ཤེས་བྱ་བླ་མ་ལ། །བློ་ལྡན་རྡོ་རྗེ་སློབ་མ་ཡིས། །ཅི་སྟེ་བདེ་བ་ཀུན་འདོད་ན། །དད་
D451.082.0041a02.01མོས་སེམས་ཀྱིས་དབུལ་བར་བྱ། །ཡིད་ལ་གང་བསམས་མ་ཕུལ་ལམ། །ཁས་བླངས་དེ་ནི་མ་ཕུལ་ན། །{ཡི་དགས་,ཡི་དྭགས་}དམྱལ་བ་རྣམ་གཉིས་སུ། །ངེས་པར་སྐྱེས་ཏེ་བརླག་པར་འགྱུར། །དེ་བས་དེ་རྣམས་རབ་ཕུལ་ནས། །གསོལ་བ་དག་ནི་རབ་
D451.082.0041a03.01ཏུ་གདབ། །རྡོ་རྗེ་དཀྱིལ་འཁོར་ཆེན་པོ་ཡི། དཀྱིལ་འཁོར་དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། དཀྱིལ་འཁོར་བདག་གིས་{དི་རིང་,དེ་རིང་}མཐོང་། །
D451.082.0041a04.01གསང་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་དབང་བསྐུར། །དེ་ནས་བླ་མ་དེ་ཡིས་ཀྱང་། །དེ་ལ་དབང་བསྐུར་སྦྱིན་བྱ་སྟེ། །དྲི་དང་མེ་ཏོག་ཕྲེང་བས་བརྒྱན། བསྒྲིམས་ཏེ་ཡང་དག་བརྟག་པར་བྱ། །དང་པོ་ལ་ནི་བུམ་པའི་དབང་། །
D451.082.0041a05.01གཉིས་པ་ལ་ནི་གསང་བའི་དབང་། །གསུམ་པ་ཤེས་རབ་ཡེ་ཤེས་ཏེ། །བཞི་པ་དེ་ཡི་ཡེ་ཤེས་ཏེ། །བླ་མ་ལས་ནི་ཐོབ་པའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ཕན་ཡོན་དང་བཅས་པར་དབང་བསྐུར་བའི་ལེའུ་སྟེ་བཞི་པའོ།། །།གང་གི་ཐབས་
D451.082.0041a06.01ཀྱིས་རིགས་ལྔའི་དོན། །རང་གི་དོན་གྱུར་ཀུན་དུ་བཟང་། །འདི་དག་གཞན་ལ་རབ་བདེའི་ཕྱིར། །རྡོ་རྗེ་སེམས་དཔའི་སྒྲུབ་ཐབས་བཤད། །ཡིད་འོང་དབེན་པའི་ས་ཕྱོགས་སུ། །ཅི་བདེར་གནས་ལ་ནམ་མཁའ་ཀུན། །སེམས་ཀྱིས་ཁྱབ་པར་བྱས་ནས་
D451.082.0041a07.01