完整藏文原文 · 德格版页 当前仅加载第 82 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་དབྱིངས་ཀྱི་རྣལ་འབྱོར་གྱིས། །སངས་རྒྱས་སྒྱུ་མའི་སྦྱོར་བས་སུ། །དག་པའི་བདག་ཉིད་ཅི་འདོད་པར། །དེ་ནས་རི་རབ་ཕུལ་ནས་འགྲོ། །ས་ཡི་སྙིང་པོ་བདག་ཉིད་ཆེ། །སངས་རྒྱས་སྤྱན་ནི་བདག་ཉིད་དེ། །མིག་གི་ཕྱོགས་སུ་
D451.082.0043b01.01ཞུགས་ནས་ནི། །འཕྲུལ་གྱི་མིག་ཏུ་རྟག་ཏུ་འགྱུར། །ཕྱག་ན་རྡོ་རྗེ་བདག་ཉིད་ཆེ། །རྣ་བའི་རྣམ་ཤེས་སྦྱོར་བས་ན། །སྒྲ་རྣམས་ཐམས་ཅད་ཤེས་པ་དེ། །རྣ་བའི་རྣམ་ཤེས་དེ་བཞིན་འགྱུར། །ནམ་མཁའི་སྙིང་པོ་བདག་ཉིད་ཆེ། །སྣ་ཡི་རྣམ་
D451.082.0043b02.01ཤེས་སྦྱོར་བས་ན། །སངས་རྒྱས་ཤངས་ནི་བདག་ཉིད་ཤེས། །དེ་ཡང་དེ་ཡི་ངོ་བོར་འགྱུར། །འཇིག་རྟེན་དབང་པོར་རབ་ཆགས་པ། །རྡོ་རྗེ་ལྕེ་ཡི་སྦྱོར་བས་སུ། །རོ་ཡི་དངོས་པོ་མྱོང་བ་དེས། །སྐད་ཅིག་གཅིག་ལ་དེ་རུ་འགྱུར། །བློ་ལྡན་སྒྲིབ་
D451.082.0043b03.01པ་ཐམས་ཅད་ནི། །རྣམ་པར་སེལ་བའི་མིང་དང་ལྡན། །ཉོན་མོངས་ཐམས་ཅད་རྣམ་པར་སེལ། །ཉེ་བའི་ཉོན་མོངས་པ་ཡང་འཇིག །མེ་ལོང་གི་ནི་རྣམ་པ་ལྟར། །རྟེན་པའི་ཚུལ་གྱིས་འབྱུང་བ་ནི། །གཟུགས་བརྙན་གྱི་ནི་སྦྱོར་བས་སུ། །
D451.082.0043b04.01སྐད་ཅིག་གིས་ནི་དེ་རུ་འགྱུར། །བཅོམ་ལྡན་རྡོ་རྗེ་སེམས་དཔའ་ལ། །རྣམ་པ་བཅུ་དང་དྲུག་ཏུ་ཡང་། །སྦྱོར་བ་དེ་ནི་བྱིན་བརླབས་ནས། །སྔགས་བས་དེ་ནི་སེམས་ལ་གཞུག །ཁྲོ་བོ་ལྕགས་ཀྱུ་དཔུང་པ་ཡིས། །ཞགས་པ་ལྟ་བུ་གཉིས་པའོ། །
D451.082.0043b05.01ལུ་གུ་རྒྱུད་ཀྱི་ཁ་སྤྲད་གསུམ། །རྒྱལ་མཚན་གཞུག་པར་ཁྱབ་པར་བཞག །དེ་ལྟར་དོན་རྣམས་རབ་ཏུ་ཞུགས། །སངས་རྒྱས་ཀུན་གྱི་ངོ་བོར་བདག །རྡོ་རྗེ་ཕྱག་རྒྱ་དང་ལྡན་པ། །གཡོན་པ་དྲིལ་བསྣམས་སྟ་ཟུར་བརྟེན། །རྡོ་རྗེ་སེམས་དཔའ་དེ་
D451.082.0043b06.01གནས་འགྱུར། །རྣལ་འབྱོར་ཆེན་པོ་དཀར་བའི་གཟུགས། །དཀར་དང་མཐིང་ག་དམར་པོའི་དབུ། །སྟོང་ཉིད་ལ་སོགས་བདག་སྦྱོར་བ། །རྡོ་རྗེ་སེམས་དཔའ་ཞེས་སུ་སྨྲ། །རྡོ་རྗེ་ཕྱག་རྒྱ་རྗེས་སུ་ཆགས་པ་ལ། །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་
D451.082.0043b07.01