完整藏文原文 · 德格版页 当前仅加载第 82 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བདེ་གཤེགས་བདེ་མཛད་པ། །ཁྱོད་ནི་འདི་ལས་རབ་བྱུང་ངོ་། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་དམིགས་པ་དང་བཅས་པའི་ཤེས་རབ་ཀྱི་མཚན་ཉིད་བརྟག་པའི་ལེའུ་སྟེ་{བཅྭ་,བཅོ་}ལྔ་པའོ།། །།དེ་ནས་ཡང་ནི་བཤད་
D451.082.0056a01.01བྱ་བ། །དངོས་ཀུན་ཆོ་ག་ཤེས་མེད་ན། །སྒྲུབ་པོ་དངོས་གྲུབ་འབྱུང་མི་འགྱུར། །དེ་ཕྱིར་འདིར་ནི་བརྟུལ་ཞུགས་བསྟན། །སྦྱོར་བའི་རྩོལ་བ་ཐམས་ཅད་ནི། །དེ་ཉིད་རིག་པས་སྤང་བར་བྱ། །རྡོ་རྗེ་སེམས་དང་ངེས་འདུག་པ། །སྤངས་
D451.082.0056a02.01ནས་གཞན་དུ་མི་བྱའོ། །དག་པ་དེ་ཉིད་ལ་གནས་པས། །སྦྱོར་བ་རྣམས་ཀྱང་མི་བྱ་སྟེ། །བདག་མེད་གནས་པའི་སྦྱོར་བ་ཡིས། །ཅི་སྲིད་བར་དུ་སོ་སོར་བརྟག །དངོས་མེད་གོ་འཕང་ལ་གནས་དང་། །ཐབས་བཟང་དག་དང་ལྡན་པ་ཡིས། །
D451.082.0056a03.01རྒྱུད་ལས་གང་ཅི་འབྱུང་བ་རྣམས། །མ་བརྟགས་པས་ནི་འབྱུང་བར་འགྱུར། །སྒོམ་པའི་སྦྱོར་བའི་སྟོབས་ཀྱིས་ནི། །དངོས་གྲུབ་མཚན་ཉིད་གང་ཡང་རུང་། །དེ་ཀུན་སྐད་ཅིག་ཙམ་ལ་ནི། །རང་ཉིད་གནས་པར་གྱུར་པ་ཡིན། །དེ་བས་དགེ་སློང་
D451.082.0056a04.01དངོས་གནས་དང་། །དེ་བཞིན་རྟོག་གེ་རྒན་པོ་དང་། །རང་གི་བུ་དང་རྒྱལ་པོ་ལ། །དེ་ཉིད་ཡང་དག་བཤད་མི་བྱ། །ཇི་ལྟར་མར་མེ་བུམ་ནང་གནས། །ཕ་རོལ་དུ་ནི་འོད་མི་གསལ། བུམ་པ་དེ་ཉིད་ཆག་གྱུར་ན། དེ་འོག་མར་མེ་གསལ་བར་
D451.082.0056a05.01འགྱུར། དེ་བཞིན་རང་ལུས་བུམ་པ་ཉིད། །བླ་མའི་ཁ་ཡིས་ལེགས་བཅག་ནས། །དེ་ཉིད་མར་མེ་ཉིད་ལྟ་བུ། །སྦྱོར་བའི་དེ་ཉིད་སྟོན་པ་ཡིན། །སྦྱོར་བ་དེ་ཉིད་ལ་གནས་ན། །གང་ཚེ་བསྟན་པ་མི་རྟག་ལ། །གནས་ཤིང་འཇིག་རྟེན་པ་སྤངས་
D451.082.0056a06.01ཏེ། །སྤྱོད་པ་ཐམས་ཅད་བྱས་ན་ནི། །དེ་ལ་དེ་ཚེ་སངས་རྒྱས་གཟིགས། །ཀུན་དུ་ཐེ་ཚོམ་གཅོད་པ་ཡིས། །རིག་པས་བྱིས་པ་བཞིན་དུ་སྤྱད། །གང་ཚེ་ཆགས་མེད་རྣལ་འབྱོར་པ། །དེ་ཚེ་ཕུན་སུམ་ཚོགས་འཕེལ་འགྱུར། །སྡིག་པ་མ་ལུས་
D451.082.0056a07.01