完整藏文原文 · 德格版页 当前仅加载第 82 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །ཆ་ཤས་ཀྱི་ནི་དྲ་བ་ཅན། །ཡེ་ཤེས་སེམས་དཔའ་རྫོགས་པར་བརྟག །དེ་འོག་ལག་པའི་ཕྱག་རྒྱ་ཡིས། །གོ་ཆ་མཚོན་ཆ་ལ་སོགས་བྱ། །རྫོགས་སངས་རྒྱས་ལྔ་དབང་བསྐུར་ཏེ། ཅོད་པན་ཕྲེང་བ་རྣམས་ཀྱིས་བཀླུབས། །
D451.082.0046a01.01དེ་ནས་དེ་འོག་སངས་རྒྱས་ཀྱི། །སྤྲུལ་པ་མཛད་པའི་སྒྱུ་མ་འཕྲོ། །ཡན་ལག་བཞི་པ་དཔུང་ལྡན་པའི། །ཕྱོགས་བཅུར་ཁྲོ་བོ་བཅུ་དག་དང་། བསྙེགས་མ་དང་ནི་ཏོག་ལྡན་མ། །མཚོན་ཆ་མ་དང་རྩེད་མོ་ཅན། །སྒྱུ་མའི་ཆ་བྱད་རྣམ་པའོ། །རྣམ་
D451.082.0046a02.01པར་འཕྲུལ་པ་བྱིན་གྱིས་བརླབ། །ཀུན་ལ་ཁྱབ་པར་བྱེད་པ་ཡི། །སྣ་ཚོགས་དབུས་སུ་བཞག་ནས་ནི། །དེ་ཉིད་ཆེན་པོ་བདག་ཉིད་ལྔས། །ཕྱོགས་བཞི་འཁོར་ལ་ཁྱབ་བྱ་སྟེ། །དགའ་བས་དགའ་བྱེད་བཞི་ཡང་སྤྲོ། །ཏིང་འཛིན་ཀུན་གྱི་དགའ་བ་ལ། །
D451.082.0046a03.01འོས་པར་བྱེད་པའི་སྔགས་པ་ཡི། །འཁོར་ལོ་དང་ནི་རྡོ་རྗེའི་གཟུགས། །པདྨའི་གཟུགས་ལ་དེ་དག་ནི། །འཁོར་ལོ་ཀུན་ལ་པདྨ་ཡི། །ངོ་བོ་ཡིས་ནི་རོལ་པ་དང་། །ཨེ་ཞེས་བྱ་བ་འཕྲོ་བ་ལས། །མདོག་ལྡན་བདག་ཉིད་གཟུགས་སུ་བྱ། །མཛེས་
D451.082.0046a04.01པའི་རྒྱན་རྣམས་ཀུན་ལྡན་པའི། །ཉིད་ཀྱི་གདན་ལ་བཞུགས་པར་བལྟ། །སྒེག་དང་གླུ་དང་གར་རྣམས་དང་། །རྒྱལ་མཚན་ལ་སོགས་ཚོན་དགྱེ་དང་། །སིལ་སྙན་མཆོད་པའི་རྣམ་པ་ནི། །སྣ་ཚོགས་རྣམས་ཀྱིས་མཆོད་པ་བྱ། །རྣམ་པ་ཀུན་དང་ལྡན་པར་ནི། །
D451.082.0046a05.01བདག་ཉིད་ཀྱི་ནི་ལུས་བསྒོམས་ནས། །མྱུར་ཆེས་བྱ་བ་བུལ་བ་དང་། །མི་གསལ་གུག་སྐྱེད་ཉམས་པ་དང་། །རྟོག་པ་ངན་པ་རྣམ་པར་སྤངས། །དེ་ནས་གསང་སྔགས་བཟླས་བརྗོད་བྱ། །བཟླས་པས་སྐྱོ་ན་ལག་གཡས་ཀྱིས། །བསྒྲིམས་ནས་རྡོ་རྗེ་གསོར་
D451.082.0046a06.01ནས་སུ། །གཡོན་པས་དྲིལ་བུ་ལ་གསིལ་ཞིང་། །རྡོ་རྗེ་གླུ་ཚུལ་སྣ་ཚོགས་དང་། །བ་དན་ཚུལ་དུ་བྱས་པས་མཆོད། །བཟླས་པ་ཡིས་ནི་འཇུག་བརྟུལ་ནས། །གཤེགས་སུ་གསོལ་དང་རང་ཉིད་འགྲུབ། །ལུས་དང་ངག་དང་སེམས་བསྒོམས་ཏེ། །བརྟན་
D451.082.0046a07.01