完整藏文原文 · 德格版页 当前仅加载第 83 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཐབས་ཀྱིས་དྲེགས་པ་ཉོན་མོངས་པ་གདུལ་བར་བྱའོ་ཞེས་བཀའ་སྩལ་ཏོ། །དུས་གསུམ་གྱི་སངས་རྒྱས་ཐམས་ཅད་ཀྱང་གསང་བའི་བདག་པོ་ལ་འདི་སྐད་ཅེས་གསུངས་སོ། །འཇིག་རྟེན་གྱི་དྲེགས་པ་འདི་དག་འདོད་ཆགས་ལ་གནས་པས་
D458.083.0017a01.01སེམས་ཅན་ལ་རྣམ་པར་འཚེའི། ཀུན་གྱི་ལུས་དང་སྲོག་མ་རུངས་པར་བྱེད་པས་ཁྱོད་ཀྱིས་ཐམས་ཅད་ཁྲོས་པའི་ཚུལ་གྱིས་ཐུལ་ཅིག་ཅེས་བསྒོའོ། །ཕྱོགས་བཅུའི་ཞིང་ཁམས་རྣམ་པར་དག་པ་ན་བཞུགས་པའི་སངས་རྒྱས་དང་། བྱང་ཆུབ་སེམས་དཔའ་དང་།
D458.083.0017a02.01རིགས་སོ་སོར་ཀུན་ནས་འདུས་པ་རྣམས་ཀྱང་གསུང་གཅིག་གི་ང་རོས་འདི་སྐད་ཅེས་གསུངས་སོ། །གསང་བའི་བདག་པོ་ཁྱོད་ཤིན་ཏུ་ཁྲོས་པའི་ཚུལ་སྟོན་ལ་མ་མཆིས་པའི་སྟོབས་ཀྱིས་དྲེགས་པ་ཅན་ཐུལ་ཅིག་ཅེས་བཀའ་བསྒོའོ། །གཞན་ཡང་རིག་སྔགས་དང་།
D458.083.0017a03.01གསང་སྔགས་དང་། གཟུངས་སྔགས་ཀྱི་བདག་པོ་ཐམས་ཅད་འདུས་ཏེ། རིགས་ཀྱི་བདག་པོ་དང་། རིགས་ཀྱི་ཡུམ་དང་། རིགས་ཀྱི་ཁྲོ་བོ་དང་། རིགས་ཀྱི་སྤྲུལ་པ་དང་། རིགས་ཀྱི་ཕོ་ཉ་མོ་ལ་སོགས་པ་ཐམས་ཅད་འདུས་ནས་མགྲིན་གཅིག་ཏུ་བཀའ་སྩལ་པ།
D458.083.0017a04.01གསང་བའི་བདག་པོ་གདུལ་བྱའི་ཞིང་འདི་དག་ཞི་བའི་ཆ་བྱད་ཀྱིས་མི་འདུལ་བས། ཞེ་སྡང་དང་། གདུག་སེམས་སུ་བཅས་པ། ཉོན་མོངས་པ་རང་དགའ་མར་སྤྱོད་པ། འདོད་པའི་སྐོམ་གྱིས་གདུངས་པ་འདི་དག་ཁྱོད་ཀྱི་མཐུའི་སྟོབས་ཀྱིས་ཤིན་ཏུ་ཁྲོས་པའི་ཆ་བྱད་སྟོན་
D458.083.0017a05.01ལ་མ་འཕྱི་བར་མྱུར་བར་རབ་ཏུ་ཐུལ་ཅིག་ཅེས་བཀའ་བསྒོའོ། །དེ་ནས་སྐུ་མི་སྣང་བ་ཡེ་ཤེས་ཆེན་པོའི་ངང་ལ་བཞུགས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་ཁྲོ་བོར་བཀའ་བསྒོ་བའི་ལེའུ་སྟེ་གསུམ་པའོ།། །།དེ་ནས་རིགས་ལྔ་
D458.083.0017a06.01ཡབ་ཡུམ་གཉིས་སུ་མེད་པའི་མཁའ་ལས་ཐུགས་རྗེས་ཁྲོས་པའི་ས་བོན་ཧཱུྃ་མཐིང་ནག་ཧ་ལ་ནག་པོའི་མདོག་ལྟ་བུ་འོད་ཟེར་སྣ་ཚོགས་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་དག་བྱུང་སྟེ། དེའི་བྱིན་གྱིས་བརླབས་ལས་ཐུགས་རྗེ་བྱིན་གྱིས་བརླབས་ལས་ཨེ་
D458.083.0017a07.01