完整藏文原文 · 德格版页 当前仅加载第 83 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཧ་ལ་ནག་པོ་ཆེ། །རྟོག་པའི་དུས་ངན་རྣམ་པར་སྤྱོད། །རྡོ་རྗེ་སེམས་དཔའ་ཕྱག་འཚལ་བསྟོད། །ཅེས་མངོན་པར་བསྟོད་དོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་འཁོར་གྱིས་མངོན་པར་བསྟོད་པའི་ལེའུ་སྟེ་ཉི་ཤུ་རྩ་གཅིག་པའོ།། །།
D458.083.0029a01.01དེ་ནས་ལྷའི་དབང་པོས་འདི་སྐད་ཅེས་གསོལ་ཏོ། །ཀྱཻ་རྡོ་རྗེ་ཁྲོ་བོ་ཁྱོད། །དུས་ངན་བསྟན་པ་མི་གནས་ཚེ། །འཇིག་རྟེན་ཁམས་སུ་ཆུ་འཁྱགས་དབབ་པའི་ཐབས་བཀའ་སྩལ་དུ་གསོལ། །བཀའ་སྩལ་པ། ཉོན་ཅིག་དབང་པོ་ཆེན་པོ། འཇིག་རྟེན་ཕུང་བར་བྱན་ནཱ་གའི་ཆུ་
D458.083.0029a02.01འཁྱགས་དབབ། །གསང་བའི་ལས་རབ་འདི་ནི་རབ་ཏུ་གནག །ན་མོ་བུད་དྷཱ་ཡ། བཛྲ་ཙཎ་ཌ་མ་ཧཱ་རོ་ཥ་ཎ་ཧཱུྃ་ཕཊ། ཨོཾ་བཛྲ་ཙཎ་ཌ། ཀི་ལི་ཀི་ལི། ཙཎ་ཌ་མོ་ར་ཙི་ཎ། ཙཎ་ཌ་ཙཎ་ཌེ། ནཱ་ག་བྷན་དྷཱ་ཡ་ཕཊ་སྭཱ་ཧཱ། སོར་བརྒྱད་སེང་ལྡེང་ཕུར་བུ་གུ་གུལ་དང་། །ཚིལ་ཆེན་
D458.083.0029a03.01སྨེ་ཁྲག་བྱུག་ཅིང་བདུག །རྩ་གཟིར་སྔགས་ཤམ་གདགས་པ་བཅའ། །ཐོག་མའི་གོང་ནས་གྲངས་མེད་བཟླས་པའི་མཆོག །ཀླུ་གནས་བཏབ་ན་ཁྱུང་གིས་མི་ཐར་འཆིང་། །ཕྱོགས་བཏབ་ལྡོག་འགྱུར་ཞིང་བཏབ་འབུ་སྲིན་ཟ། །ལྡུམ་ར་རྟ་བྲེས་གནག་ར་ར་ལུག་གནས། །
D458.083.0029a04.01བཏབ་ནས་མི་སྐྱེ་རི་སྙིལ་ཆུ་ཡང་ལྡོག །ཕལ་པའི་གྲོང་དང་རྒྱལ་པོའི་སྒོར་བཏབ་ན། །ཕལ་པའི་གྲོང་འཇིག་རྒྱལ་པོའི་འཁོར་གྱི་མི། །འབྱེར་ཞིང་ནད་ཀྱིས་ཐེབས་འགྱུར་ཕྱུང་ན་ཐར། །ནཱ་གའི་གནས་བཏབ་ཐམས་ཅད་འཆིང་བར་འགྱུར། །ནག་པོ་གནས་སུ་སོང་ལ་
D458.083.0029a05.01ལས་འདི་བྱ། །བྱང་བལྟས་ཆུ་མིག་རྔོམ་དང་དམས་སྐྱིབས་གནག །མགོ་ན་རྡོ་ནག་དྲེག་པ་ཆགས་པ་ཡོད། །གནས་དེར་ཨེ་ནག་འདོམ་བཞི་རྩེ་མོ་ལྷོ། །དཀར་ནག་རྡོ་བ་གླང་དམར་རྭ་སྐྱེད་བྱ། །སྐམ་པོ་དུམ་བཞིར་ཕྱི་རོལ་ཁྲག་དུག་གནག །ར་ཁྱི་མིའི་ཁྲག་བསྐོལ་
D458.083.0029a06.01བྱ་ཏིང་འཛིན་བསམ། །ག་རུའི་སྤྲུལ་པ་མང་པོ་ཤིན་ཏུ་གཅེས། །དཀར་ནག་དུད་པས་དྲན་བསྐྱེད་དབང་དུ་བསྡུ། །དེ་ནས་ཁྱུང་བསྐུལ་བ་ཞེས་བྱ་བ་འདི་གསུངས་སོ། །ཧྲཱིཿདཔག་བསམ་ཤིང་ལས་བཞེངས་པའི་ག་རུ་ཌ། །ཡེ་ཤེས་གཤོག་པ་འབར་བ་གསེར་གྱི་མིག །
D458.083.0029a07.01