完整藏文原文 · 德格版页 当前仅加载第 83 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གསུམ་གཡོས། རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་འབར་བའི་ཁྲོ་བོ་ཁྲོས་པའི་ཚུལ་དུ་བསྐྱེད་པའི་ལེའུ་སྟེ་ལྔ་པའོ།། །།དེའི་ཚེ་དེའི་དུས་ན། དུས་
D458.083.0018a01.01གསུམ་གྱི་ཐེག་པའི་བདག་པོ་ཐམས་ཅད་འདུས་ཏེ། ཡེ་ཤེས་ཀྱི་མཁའ་གསང་བའི་བུམ་པས་འབར་བའི་ཁྲོ་བོ་དེའི་ལུས་ཀུན་བཀྲུས་ཏེ་ཡེ་ཤེས་ཀྱི་བུམ་པའི་ཆུ་རྒྱུན་གྱིས་དབང་བསྐུར་རོ། །དག་པར་འཁྲུ་བར་བྱེད་པའི་ཉེ་ཤིང་པ་དང་། སྒྲིབ་པ་སྦྱོང་ཞིང་ཀུན་ཏུ་སྐྱོབ་
D458.083.0018a02.01པར་བྱེད་པའི་ཕུར་མོའི་ཐལ་བ་དང་། ཆོས་ཉིད་ཀྱི་རྩི་དང་། ཡེ་ཤེས་ཀྱི་བཅུད་མར་ལ་སོགས་པས་འགྲོ་བ་རྣམས་ཀྱི་ཚུལ་དང་ལྡན་པའི་ཕྱིར་དབང་བསྐུར་རོ། །ཡེ་ཤེས་ཀྱི་ཁྲོ་བོ་དེ་ལུས་ལ་སིམ་ཞིང་རྒྱས་ཏེ་བདེ་བ་སྐྱེས་པར་གྱུར་ཏོ། །དེ་ནས་རིགས་ཐམས་ཅད་ཀྱི་
D458.083.0018a03.01བདག་པོ། སངས་རྒྱས་ལྔ་ཡུམ་དང་བཅས་པས་བདེ་བ་ལ་སྙོམས་པར་ཞུགས་ཏེ། གཉིས་སུ་མེད་པའི་མཁའ་ལས་ཡེ་ཤེས་ཀྱི་ཡིག་འབྲུ་ཀྵིཾ་མཐིང་ག་དང་། ཀྵིཾ་དཀར་མོ་དང་། ཀྵིཾ་སེར་པོ་དང་། ཀྵིཾ་དམར་པོ་དང་། ཀྵིཾ་ལྗང་གུ་དང་། ཀྵིཾ་སྣ་ཚོགས་ཀྱི་མདོག་ཏུ་
D458.083.0018a04.01སྣང་བ་དག་འཐོན་ཏེ། གསུང་གཅིག་གིས་བསྐྱེད་བསྐུལ་གྱི་སྔགས་བཀའ་སྩལ་པ། ཧཱུྃ་ཨེ་ཡྃ་རྃ་ཁྃ་སུ་རྃ་ཀེྃ་བྲུྃ། ཨ་བྷི་རོ་ཥ་ཎ་ཧཱུྃ། ཨོཾ་ཉི་མ་ས་སླ་ལ་ནཱན་ག་རུ་ཎ་ཙ་ལེ་ཙ་ལེ་ཧཱུྃ་ཕཊ་ཅེས་གསུངས་པ་ལས་ཡེ་ཤེས་ལས་སྤྲུལ་པ་ཁྱུང་མཐིང་ག་དང་།
D458.083.0018a05.01དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། སོ་སོ་ནས་སྣ་ཚོགས་པ་འདུས་པའི་ཁྱུང་ལུས་དཀར་བ། གཤོག་པ་སྔོ་བ། རྭ་ཡེ་ཤེས་སྤུ་གྲི་འབར་བ། གདུག་པ་ཅན་འདྲེན་ཅིང་ཟ་བ། འབར་བའི་ཁྲོ་བོའི་ཐུགས་རྗེ་ལ་གནས་པར་གྱུར་ཏོ། །
D458.083.0018a06.01ལུས་ཁ་དོག་ལྔ་ལ། མཆུ་གནམ་ལྕགས་ཀྱི་རྡོ་རྗེ་ལས་གྲུབ་པ། གཤོག་པ་ནམ་མཁའི་མཐའ་མ་ཁེབས་པ། མིག་གསེར་ཞུན་མ་བཞིན་དུ་སྣང་བ། གདུག་པའི་སྦྲུལ་རིགས་བཞི་སོ་སོར་ཟ་བ་དག་སྤྱི་གཙུག་དང་། དཔྲལ་བ་དང་། རྣ་ལྟག་གཡས་གཡོན་དང་།
D458.083.0018a07.01