完整藏文原文 · 德格版页 当前仅加载第 83 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
མུ་ཏིག་བདུད་རྩི་མི་བླུགས་ལྟར། །ཐབས་ཀྱི་སྤྱོད་པས་རྣམ་དབྱེ་ཤེས་པར་བྱ། །དཔག་ཚད་ཀུན་ཏུ་ཉམས་པ་རྣམ་པར་སྤོང་། །དེ་དག་འགལ་ན་རྡོ་རྗེ་དམྱལ་བ་ཡི། །སྡུག་བསྔལ་ཆུ་བོ་རེག་ཅིང་བཟོད་དཀའ་བར། །དུས་གསུམ་རྣམས་དང་ང་ཡིས་
D458.083.0028a01.01བརྗོད་མི་ནུས། །གཞན་ནས་གཞན་འཕང་ཐར་པའི་དུས་ཀྱང་མེད། །མ་ཉམས་བརྒལ་དཀར་འགྲོ་བར་གདོན་མི་ཟ། །ང་དང་དུས་གསུམ་ཀུན་ཀྱང་དེ་ལ་དགོངས། །གང་ལ་དམིགས་པའི་འབྲས་བུ་ཆུད་མི་ཟ། །ཕྱོགས་སྐྱོང་རྣམས་ཀྱིས་དམ་སྐྱོང་དེ་ལ་བསྲུང་། །ཞེས་
D458.083.0028a02.01གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་ས་མ་ཡ་བཀོད་པའི་ལེའུ་སྟེ་བཅུ་དགུ་པའོ།། །།དེ་ནས་འཁོར་དེ་དག་ལ་ཆེད་དུ་རྗོད་པ་འདི་བརྗོད་དོ། །ཉོན་ཅིག་འདུས་པའི་འཁོར་རྣམས་ཀུན། །དོན་དམ་དབྱེར་མེད་ཕྱོགས་ཆ་ཀུན་དང་
D458.083.0028a03.01བྲལ། །མི་ལེན་མི་གནས་མི་སྤོང་མི་འགོག་ཅིང་། །རང་བཞིན་གནས་པ་དེ་ལ་བཅོས་སུ་མེད། །རྟོག་པའི་གནས་མིན་ཕྲ་བའི་སྤྱོད་ཡུལ་མིན། །དངོས་པོར་མི་གནས་མཚན་མ་ཀུན་དང་བྲལ། །སྒྲོ་དང་སྐུར་པས་དེ་ལ་དཔག་མི་དཔོགས། །སྟོང་པ་མ་ཡིན་ཐ་སྙད་དེ་ལས་
D458.083.0028a04.01འདས། །མི་གནས་མི་རྟོག་རྐྱེན་གྱིས་བསྐྱེད་པ་མེད། །དངོས་བྲལ་ཀུན་གྱི་མཐའ་འདས་བརྗོད་དུ་མེད། །འདི་ཞེས་ངེས་པ་དེ་ལ་མཚོན་དུ་མེད། །དུས་གསུམ་བདག་པོ་སངས་རྒྱས་ཐམས་ཅད་ཀྱི། །ཡབ་ཡུམ་ཤུལ་དང་ཀུན་གྱི་དངོས་པོ་ཡིན། །སེམས་ཅན་འཇིག་རྟེན་
D458.083.0028a05.01ཁམས་ཀྱི་རང་བཞིན་དང་། །བུད་དྷ་འཇིག་རྟེན་ཁམས་ཀྱི་རང་བཞིན་ཀུན། །གཅིག་སྟེ་རྣམ་གྲངས་ཡོངས་ཀྱིས་དེ་ལས་མེད། །གང་ཡང་མ་འགགས་གཅིག་ཏུ་ངེས་པ་མེད། །ཐ་སྙད་བརྗོད་བྲལ་སངས་རྒྱས་ཀུན་གྱི་དངོས། །དེ་ལྟར་གྲོལ་བ་རྣལ་འབྱོར་མཆོག་གི་ལམ། །
D458.083.0028a06.01ཕྲ་བའི་སྒོ་མོ་རྣམས་ཀྱིས་རྗེས་དཔག་དཀའ། །དེ་ལ་སྤྲོ་དང་བསྡུ་བའི་དབང་པོ་མེད། །གཟུགས་དང་ཁ་དོག་རྣམ་པ་གང་དུ་ཡང་། །དེ་ཉིད་མ་གྲུབ་དེ་ལ་གཉེན་པོ་མེད། །འབྱུང་བ་ཆེན་པོ་ནམ་མཁའི་རང་བཞིན་ལ། །ཁུ་རླངས་འཇའ་ཚོན་ན་བུན་སྤྲིན་ལ་སོགས། །ཐན་
D458.083.0028a07.01