完整藏文原文 · 德格版页 当前仅加载第 99 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་འདུས་མ་བྱས། །སྐད་ཅིག་ཉིད་ལ་མངོན་དུ་གསལ། །མ་འོངས་སེམས་ཅན་དོན་གྱི་ཕྱིར། །སྣ་ཚོགས་ལུས་ཀྱི་གསང་བ་སྟོན། །དྲེགས་པའི་སྡེ་དཔོན་ཁྱེད་རྣམས་ཀྱང་། །ཐོག་མ་མེད་ནས་ད་ལྟའི་བར། །ཉོན་མོངས་འཁྲུལ་པའི་དབང་གྱུར་ཏེ། །གནས་
D844.099.0270b01.01ངན་ལེན་གྱི་བག་ཆགས་ཀྱིས། །ལུས་ངག་ཡིད་ཀྱིས་མི་དགེར་སྤྱོད། །འཁོར་བའི་སྡུག་བསྔལ་རྒྱུན་མི་འཆད། །ན་རག་ཆེན་པོར་ལྷུང་ནས་ནི། །ཐར་པའི་དུས་མེད་འབྱུང་སྲིད་ཀྱིས། །དེ་བས་ད་ལྟའི་དུས་མཆོག་འདིར། །ང་དང་སངས་རྒྱས་ཐམས་ཅད་
D844.099.0270b02.01ཀྱིས། །སྐུ་གསུང་ཐུགས་དང་ཡོན་ཏན་དང་། །མཛད་པའི་ཕྲིན་ལས་རབ་སོན་ལ། །བསྒོ་བའི་གསུང་བཞིན་ཉན་པར་གྱིས། །ལས་དང་སྲིད་པ་དོན་ཡོད་ལ། །མི་དགེའི་བག་ཆགས་དོར་བར་གྱིས། །བསླབ་པའི་གཞི་བཟུང་སེམས་བསྐྱེད་ལ། །མཐུ་སྟོབས་ནུས་
D844.099.0270b03.01པ་དྲག་ཤུལ་དག །སངས་རྒྱས་བསྟན་པའི་རྗེས་སུ་སྤྱོད། །རིག་འཛིན་རྣམས་ཀྱི་བཀའ་བཞིན་སྐྱོངས། །ཁྱེད་ཅག་རྒྱལ་པོ་རྗེ་དཔོན་དང་། །བྲན་གཡོག་ཚུལ་དུ་ལུས་བརྟེན་པ། །དངོས་གྲུབ་གསོལ་ཞིང་ཕྲིན་ལས་སྒྲུབས། །གལ་ཏེ་དེ་ལྟར་མི་བྱེད་ཅིང་། །
D844.099.0270b04.01གསང་བའི་ཚིག་ལས་འགལ་བྱེད་ན། །ཁྱེད་ཀྱི་ལུས་སེམས་སྲོག་གི་རྒྱུད། །ད་ལྟ་ཉིད་དུ་མ་རུངས་འགྱུར། །ཞེས་བཀའ་སྩལ་ནས་དམ་པའི་ཐ་ཚིག་ལ་བཀོད་ནས་བཞག་གོ། །འཇིག་རྟེན་པའི་སྡེ་དཔོན་གྱི་ཚོགས་རབ་ཏུ་འདུལ་བ་གླེང་གཞིའི་
D844.099.0270b05.01ལེའུ་སྟེ་དང་པོའོ།། །།དེ་ནས་འདོད་པའི་ཁམས་ཀྱི་ལྷའི་དབང་ཕྱུག་ཆེན་པོ་ཡབ་ཡུམ་ལ་སོགས་པའི་དྲེགས་པ་ཅན་གྱི་འཁོར་རབ་ཏུ་འདུས་པ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གསང་བའི་བདག་པོ་
D844.099.0270b06.01ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་གསང་བའི་བདག །འཇིག་རྟེན་གནས་པའི་དྲག་ཤུལ་ཅན། །འདོད་ཆགས་ཞེ་སྡང་སྲེད་ལེན་གྱིས། །གང་གིས་མཆོད་ཅིང་བརྟེན་བྱས་ནས། །བདག་ཅག་རྣམས་ནི་དགའ་མགུ་རངས། །ཁྱོད་
D844.099.0270b07.01