完整藏文原文 · 德格版页 当前仅加载第 99 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
བྷ་དམག་འབུམ་སྡེ་ལས་ལ་འཛུད། །བ་དན་ཅན་ནི་གཡས་ནས་རོལ། །གོ་མཚོན་ཅན་ནི་གཡོན་ནས་རོལ། །གནོད་སྦྱིན་ལྷ་ཡི་འཁོར་དང་བཅས། །སྐྱེས་བུ་གནམ་རྒྱལ་ཆེན་པོ་ནི། །རྒྱལ་ཕྲན་ཀུན་གྱི་སྡེ་དཔོན་བཞེངས། །ན་བཟའ་དར་ཟབ་བེར་ཆེན་གསོལ། །
D844.099.0280b01.01རྟ་དཀར་རྔོག་དམར་ཆིབས་སུ་ཆིབས། །ཁྱོད་ཀྱི་ཆོ་འཕྲུལ་བསྟན་པ་ནི། །རྒྱལ་བྲན་སྟོང་སྡེ་ཕོ་ཉར་འགྱེད། །གྲོང་རྒྱུ་ཕྲ་མོ་ལས་ལ་འཛུད། །ཐེ་རྒྱལ་ཕྲ་མོའི་འཁོར་དང་བཅས། །སྤྱི་བདུད་རྒྱལ་པོ་གུ་རུམ་རྩེ། །མི་མ་ལྷ་ཡི་སྡེ་དཔོན་བཞེངས། །སྐུ་སྟོད་རྒྱ་ཆེའི་
D844.099.0280b02.01སླག་པ་གསོལ། །འབུམ་བྱེ་སྨད་ཀྱི་ཤམ་ཐབས་ཅན། །དབུ་ལ་ཤེལ་རྨོག་དཀར་པོ་གསོལ། །ཆིབས་སུ་རྡོ་རྟ་གྲོ་བོ་ཆིབས། །ཁྱོད་ཀྱི་ཆོ་འཕྲུལ་སྟོན་པ་ནི། །སྲིད་པའི་ཁྱུང་ཆེན་ཀླད་ན་ལྡིང་། །སྟག་སེང་ཚང་མ་ཕྱི་ནས་རོལ། །སྡེ་དཔོན་མཆེད་ལྔ་ཕོ་ཉར་འགྱེད། །
D844.099.0280b03.01མ་སངས་སྤུན་དགུ་ལས་ལ་འཛུད། །ལྷ་མ་སྲིན་གྱི་འཁོར་དང་བཅས། །སྐྱེས་བུ་དཀར་པོ་སྡེ་གསུམ་ཡང་། །དམ་ཚིག་དབང་གིས་གནས་འདིར་བཞུགས། །གནམ་རུ་རྟ་དཀར་གྲོ་བོ་ཆིབས། །མཐུན་པའི་རྫས་ཀྱིས་ཐུགས་དམ་བསྐང་། །དཀར་པོ་སྡེ་གསུམ་འཁོར་དང་
D844.099.0280b04.01བཅས། །ཇི་ལྟར་བཅོལ་བའི་ཕྲིན་ལས་མཛོད། །བང་རིམ་གཉིས་པའི་ལྷོ་ཕྱོགས་ནས། །མ་ཆེན་སྲིད་པའི་རྒྱལ་མོ་ནི། །སྣང་སྲིད་མ་མོའི་སྡེ་དཔོན་བཞེངས། །ན་བཟའ་དར་ནག་གུ་ཟུ་གསོལ། །ཆིབས་སུ་འབྲུག་མོ་ཡིད་མགྱོགས་ཆིབས། །ཁྱོད་ཀྱི་ཆོ་འཕྲུལ་
D844.099.0280b05.01སྟོན་པ་ནི། །ཚོགས་ཀྱི་རྗེ་མོ་ཕོ་ཉར་འགྱེད། །སྨན་མོ་ལྔ་བཅུ་རྩ་བརྒྱད་འཁོར། །སྣང་སྲིད་མ་མོའི་ཚོགས་ཀྱིས་བསྐོར། །ཨེ་ཀ་ཛ་ཊི་རལ་གཅིག་མ། །བཀའ་ཡི་སྲུང་མའི་སྡེ་དཔོན་ནི། །སྐུ་ལ་ན་བཟའ་མཐིང་ནག་གསོལ། །ཆིབས་སུ་དྲེ་རྟ་ནག་མོ་ཆིབས། །
D844.099.0280b06.01ཁྱོད་ཀྱི་ཆོ་འཕྲུལ་སྟོན་པ་ནི། །སྲིན་མོ་ནག་མོ་ཕོ་ཉར་འགྱེད། །བལ་མོ་ནག་མོ་ལས་ལ་འཁོལ། །མ་མོ་ནག་མོ་སྣ་ཚོགས་སྤྲུལ། །སྨུག་ནག་འབུམ་གྱི་འཁོར་དང་བཅས། །དཔལ་ལྡན་ནག་མོ་མགྱོགས་བྱེད་མ། །མཁའ་འགྲོ་ཚོགས་ཀྱི་སྡེ་
D844.099.0280b07.01