完整藏文原文 · 德格版页 当前仅加载第 99 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
དྲེགས་པ་ཀུན་འདུལ་ཡབ་ཡུམ་ལ། །སྐུ་གསུང་ཐུགས་མཉེས་མཆོད་པ་འབུལ་བ་ནི། །གདུགས་དང་རྒྱལ་མཚན་བ་དན་བླ་རེ་དང་། །ཕྲེང་བ་ཕྱེ་མ་ལྡ་ལྡི་ཟ་ར་ཚགས། །བདུག་སྤོས་མེ་ཏོག་མར་མེ་ཆབ་བསིལ་དང་། །གཟུགས་མཛེས་སྒྲ་སྙན་དྲི་ཞིམ་རོ་བྲོ་དང་། །རེག་འཇམ་
D844.099.0273b01.01འདོད་ཡོན་མ་ལུས་ཇི་སྙེད་པའི། །འཕགས་པའི་ཐུན་མོང་མཆོད་ཚོགས་བཞེས་སུ་གསོལ། །ཁྱད་པར་གསང་བའི་མཆོད་པ་འབུལ་བ་ནི། །དུས་གསུམ་གནས་སུ་སྦྱངས་པའི་ཤ་རུས་ཁྲག །དུག་ལྔ་སྨན་དུ་གྲུབ་པའི་དམ་ཚིག་རྫས། །སྟོབས་མཆོག་ནུས་པ་བ་ལིང་མཆོད་པ་
D844.099.0273b02.01དངོས། །ཐུགས་རྗེས་མཐུན་པའི་ངང་གིས་བཞེས་སུ་གསོལ། །དཔལ་ཆེན་ཡབ་ཡུམ་བཀའ་བཞིན་རྗེས་སྒྲུབ་པའི། །དབང་ཕྱུག་ཆེན་པོ་ཡབ་ཡུམ་མངའ་བདག་རྗེ། །འཇིག་རྟེན་འདས་ཀྱང་འཁོར་བའི་ཆ་ལུགས་འཛིན། །བཀའ་ཡི་བསྟན་སྲུང་སྡེ་དཔོན་སུམ་ཅུ་ལ། །
D844.099.0273b03.01འདོད་པའི་ཡོན་ཏན་མཆོད་ཅིང་སྦྱིན་པ་ནི། །དཀར་དམར་སེར་ལྗང་ལ་སོགས་མདོག །ཟླུམ་པོ་གྲུ་བཞི་ལ་སོགས་དབྱིབས། །ཆེ་ཆུང་སྦོམ་ཕྲ་རིང་ཐུང་ཚད། །མཛེས་དང་མི་མཛེས་སྡུག་མི་སྡུག །འབྱུང་བ་རྟེན་འབྲེལ་རོལ་མོའི་སྒྲ། །གླུ་ཚིག་བསྟོད་དབྱངས་སྙན་པའི་
D844.099.0273b04.01ཚིག །སྤོས་སྨན་བདུད་རྩི་མེ་ཏོག་དྲི། །བསྲེག་སུངས་བཾ་སུངས་དྲི་དང་ངད། །ཁ་མངར་ཚ་སྐྱུར་བསྐ་བ་དང་། །ལན་ཚྭ་སྤོད་དང་བྱེ་སྐྱུ་དང་། །འཇམ་རྩུབ་བསིལ་ཡང་ཚ་དང་བྲོ། །སོ་སོའི་ཡོན་ཏན་ཚོགས་དང་བཅས། །འདོད་དགུར་འབུལ་གྱིས་བཞེས་སུ་གསོལ། །བདུད་
D844.099.0273b05.01རྩི་ལྔ་དང་ཤ་ལྔ་དང་། །དོན་སྙིང་ལྔ་དང་འབྱུང་བ་ལྔ། །དབང་པོ་ལྔ་དང་ཡུལ་ལྔ་དང་། །ཕུང་པོ་ལྔ་དང་ནང་གྲོལ་ལྔ། །འཚེ་ཞིང་གསོད་དང་བར་དུ་གཅོད། །གདུག་པར་སེམས་ཤིང་ལོག་པར་ལྟ། །མི་མཐུན་ཕྱོགས་ལྔར་བཅས་པ་རྣམས། །སོ་སོར་འབུལ་གྱིས་བཞེས་
D844.099.0273b06.01སུ་གསོལ། །བཛྲ་སརྦ་དུཥྚན་ཨ་ཏ་ན་ཡ་ཨེ་ཙ་ཛ་བྷྱོ། མ་ཧཱ་བ་ལིནྟ། ཨ་མྲྀ་ཏ། སུ་ཀ་ཏ། མཱྃ་ས། རཀྟ། བི་བ་ཏ། བཱ་སུ་ཏ། ལ་མ་ཏ། ཨི་དྃ་གྲྀ་ཧྞནྟུ་ས་མ་དུ། ཁ་ཁ། ཁཱ་ཧི་ཁཱ་ཧི། བཅོམ་ལྡན་དཔལ་ཆེན་དྲེགས་པ་ཀུན་འདུལ་དང་། །ཡུམ་ཆེན་ཁམས་གསུམ་སྤྱི་འདུལ་
D844.099.0273b07.01