完整藏文原文 · 德格版页 当前仅加载第 100 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྨོན་ལམ་ཡོངས་སུ་དག་པ་དང་། སངས་རྒྱས་ཀྱི་ཞིང་ཡོངས་སུ་དག་པ་སྟེ། དེ་དག་རྗེས་སུ་འཐོབ་པར་འགྱུར་བ་དང་། གྱ་ནོམ་པ་ཡིད་དུ་འོང་བར་བྱེད་པའི་ཆོས་བཞི་རྗེས་སུ་འཐོབ་པར་འགྱུར་བ་སྟེ། བཞི་གང་ཞེ་ན།
D914.100.0247a01.01འདི་ལྟ་སྟེ། ལུས་ཡིད་དུ་འོང་བ་དང་། ངག་ཡིད་དུ་འོང་བ་དང་། སེམས་ཡིད་དུ་འོང་བ་དང་། སྐྱེ་བ་ཡིད་དུ་འོང་བ་རྗེས་སུ་འཐོབ་པར་འགྱུར་བ་དང་། གཟུངས་ཀྱི་སྒོར་འཇུག་པ་བཞི་རྗེས་སུ་འཐོབ་པར་འགྱུར་བ་སྟེ། བཞི་གང་ཞེ་ན། འདི་
D914.100.0247a02.01ལྟ་སྟེ། སྒོ་མི་ཟད་པས་སྒྲུབ་པའི་གཟུངས་ཀྱི་སྒོར་འཇུག་པ་དང་། སེམས་ཅན་རྣམས་ཀྱི་དབང་པོ་ལ་མཁས་པའི་གཟུངས་ཀྱི་སྒོར་འཇུག་པ་དང་། ལས་དང་རྣམ་པར་སྨིན་པ་ལ་མཁས་པ་འདུས་མ་བྱས་ཀྱི་གཟུངས་ཀྱི་སྒོར་འཇུག་པ་དང་། ཆོས་
D914.100.0247a03.01ཟབ་མོ་ལ་བཟོད་པའི་གཟུངས་ཀྱི་སྒོར་འཇུག་པ་རྗེས་སུ་ཐོབ་པར་འགྱུར་བ་དེ་ལྟ་བུའི་ཞུ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་གིས་ཞུ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུས་ཞུ་བ་ཇི་སྐད་
D914.100.0247a04.01སྨོས་པ། ཇི་ལྟར་ཡིད་ལ་བཟུང་བ། ཇི་ལྟར་ཡིད་ལ་བྱས་པ། ཇི་ལྟར་ཀུན་ཆུབ་པར་བྱས་པ་དེ་དག་སངས་རྒྱས་བཅོམ་ལྡན་འདས་ལ་རྒྱ་ཆེར་གསོལ་ཏོ། །འདི་སྐད་ཅེས་ཀྱང་གསོལ་ཏེ། བཅོམ་ལྡན་འདས་ཞུ་བ་ཇི་སྐད་སྨོས་པ།
D914.100.0247a05.01ཇི་ལྟར་ཡིད་ལ་བཟུང་བ། ཇི་ལྟར་ཡིད་ལ་བགྱིས་པ། ཇི་ལྟར་ཀུན་ཆུབ་པར་བགྱིས་པ་འདི་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གི་སྤྱོད་པ་ཇི་ལྟར་ཡོངས་སུ་དག་པར་འགྱུར་བ་དེ་ལྟར་བཅོམ་ལྡན་འདས་ཀྱིས་བཤད་དུ་གསོལ། །
D914.100.0247a06.01དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་ཁྱོད་དེ་བཞིན་གཤེགས་པ་ལ་དོན་འདི་ཞུ་བར་སེམས་པ་ཁྱོད་ཡང་ལེགས་སོ། །ཤཱརིའི་བུ་
D914.100.0247a07.01