完整藏文原文 · 德格版页 当前仅加载第 100 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་དང་རྣམ་པར་སྨིན་པ་དང་། ལས་དང་རྣམ་པར་སྨིན་པ་མེད་པ་ལ་འཇུག་པ་ཁོང་དུ་ཆུད་པ་དང་། དྷ་ཞེས་བྱ་བ་གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། ཆོས་ཀྱི་དབྱིངས་
D914.100.0251a01.01ལ་འཇུག་པ་ཁོང་དུ་ཆུད་པ་དང་། ཤ་ཞེས་བྱ་བ་ཞི་གནས་དང་། ལྷག་མཐོང་དང་། ཞི་གནས་དང་ལྷག་མཐོང་མེད་པར་ཆོས་ཐམས་ཅད་ཀྱི་དེ་བཞིན་ཉིད་ལ་འཇུག་པ་ཁོང་དུ་ཆུད་པ་དང་། ཀྵ་ཞེས་བྱ་བ་ཆོས་ཐམས་ཅད་སྐད་ཅིག་པ་སྟེ། གཟོད་མ་ནས་
D914.100.0251a02.01ཞི་བའི་ཕྱིར་ཟད་པ་མེད་པ་དང་། འཇིགས་པ་མེད་པ་དང་། རྒྱུ་བ་མེད་པ་དང་། ཆོས་ཐམས་ཅད་མྱ་ངན་ལས་འདས་པར་འཇུག་པ་ཁོང་དུ་ཆུད་པ་སྟེ། དེ་ལྟར་ཡི་གེ་འབྲུ་བརྒྱད་པོ་དེ་དག་གི་དོན་ཁོང་དུ་ཆུད་པར་རྟོགས་པར་བྱ་བ་འདི་ནི་དོན་ཁོང་དུ་ཆུད་པ་དང་
D914.100.0251a03.01པོའོ། །གཟུངས་ཀྱི་ཆོས་ཀྱི་རྣམ་གྲངས་འདི་ལེགས་པར་བྲིས་ཏེ་གཟུང་བར་བྱ་བ་འདི་ནི་དོན་ཁོང་དུ་ཆུད་པ་གཉིས་པའོ། །ཟླ་བ་ཕྱེད་ཕྱེད་ཅིང་གཟུངས་ཀྱི་ཆོས་ཀྱི་རྣམ་གྲངས་འདི་རྟག་ཏུ་ཀློག་པ་དང་། རྗེས་སུ་དྲན་པར་བྱ་བའི་ཕྱིར་བརྩོན་པར་བྱ་བ་འདི་ནི་
D914.100.0251a04.01དོན་ཁོང་དུ་ཆུད་པ་གསུམ་པའོ། །གཟུངས་ཀྱི་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ཡང་དག་པར་དགའ་བར་བྱ་བ་དང་། །ཡང་དག་པར་འཛིན་དུ་གཞུག་པ་དང་།
D914.100.0251a05.01ཡང་དག་པར་གཟེངས་བསྟོད་པ་ལ་གཟུད་པའི་ཕྱིར་བརྩོན་པར་བྱ་བ་འདི་ནི་དོན་ཁོང་དུ་ཆུད་པ་བཞི་པ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་གཟུངས་འདི་ཐོབ་པར་འགྱུར་རོ། །དེ་ནས་བཅོམ་ལྡན་འདས་
D914.100.0251a06.01ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཡི་གེ་འབྲུ་བརྒྱད་འདི་དག་བསམ་པར་བྱ། །མདོ་སྡེ་འདི་ནི་བྲིས་ནས་བཅང་བར་བྱ། །ཟླ་བ་ཕྱེད་ཅིང་རྟག་ཏུ་བཀླག་པར་བྱ། །སེམས་ཅན་རྣམས་ཀྱང་འདི་འཛིན་གཞུག་པར་བྱ། །བྱང་ཆུབ་ཉེ་དང་
D914.100.0251a07.01