完整藏文原文 · 德格版页 当前仅加载第 100 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་སླད་དུ་ཞེ་ན། ཤཱ་རིའི་བུ་འདིར་སངས་རྒྱས་ཐམས་ཅད་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ངེས་པའི་ཕྱིར་རོ། །དམིགས་པ་མེད་པའི་སྤྱོད་པ་དང་ལྡན་པའི་གཟུངས་འདི་
D914.100.0249a01.01ཉིད་ལས་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་བྱེ་བྲག་ཆོད་པའི་ཕྱིར་རོ། །རབ་ཏུ་དབྱེ་བར་འགྱུར་བའི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཆོས་རྣམས་སྟོང་པར་དོགས་མེད་ཅིང་། །བྱང་ཆུབ་ཆེད་
D914.100.0249a02.01དུ་སྤྲོས་མི་བྱེད། །ཆོས་དབྱིངས་འཁྲུགས་པར་མི་བྱེད་ན། །དེ་ཕྱིར་གཟུངས་ནི་ཐོབ་པར་འགྱུར། །མདོ་སྡེ་འདི་ནི་མཉན་པར་བྱ། །འདི་ལ་གཟུངས་ནི་ཟད་པ་མེད། །ཡེ་ཤེས་འབྱོར་འདི་འདི་ལྟ་སྟེ། །དེས་ན་བྱང་ཆུབ་ཐོབ་པར་འགྱུར། །བྱང་ཆུབ་
D914.100.0249a03.01སེམས་དཔའ་འཇིགས་མེད་པ། །གཟུངས་འདི་རབ་ཏུ་གཟུང་བྱས་ན། །ཕྱོགས་བཅུ་དག་གི་སངས་རྒྱས་ཀྱི། །ཆོས་བསྟན་པ་ནི་ཐོས་པར་འགྱུར། །དོན་དང་ཚིག་འབྲུས་བསྐྱོད་ཀུན་གྱི། །མཆོག་གི་ཆོས་ནི་རྣམ་པར་ཤེས། །ཉི་མའི་འོད་ཟེར་ཇི་སྙེད་པ། །དེ་
D914.100.0249a04.01སྙེད་ཚིག་རྣམས་ཤེས་པར་འགྱུར། །གང་དག་ཆོས་ཀྱི་མཆོག་འགྱུར་བ། །རླབས་ཆེན་གཟུངས་ཀྱི་སྒོ་རྣམས་ཏེ། །གང་ཞིག་མདོ་འདི་འཛིན་དེ་ལ། །ཐམས་ཅད་རྟག་ཏུ་མངོན་དུ་འགྱུར། །གལ་ཏེ་སེམས་ཅན་ཐམས་ཅད་ཀྱིས། །དེ་ལ་བསྐལ་པར་དོགས་དྲིས་ཏེ། །
D914.100.0249a05.01ཐེ་ཚོམ་ཐམས་ཅད་ཆད་གྱུར་ཀྱང་། །དེ་ཡི་ཡེ་ཤེས་མི་ཟད་དོ། །མདོ་སྡེ་འདི་ལ་སུ་དགའ་བ། །དེ་ནི་ཆོས་ཀྱི་རྒྱལ་པོའི་སྲས། །བྱང་ཆུབ་མཆོག་ལ་ཉེ་བ་སྟེ། །ཡིད་བརྟན་གྱུར་དང་ཆོས་འཛིན་པའོ། །གཟུངས་འདི་འཛིན་པར་སུ་བྱེད་པ། །དེ་ལ་སེམས་ཅན་
D914.100.0249a06.01ཐམས་ཅད་དགའ། །སངས་རྒྱས་རྣམས་ཀྱང་དེ་ལ་དགྱེས། །གྲགས་པ་འཇིག་རྟེན་འབྱུང་བར་འགྱུར། །སུ་ཞིག་མདོ་སྡེ་འདི་འཛིན་པ། །དེ་ནི་འཆི་བའི་དུས་བྱེད་ཚེ། །སངས་རྒྱས་བྱེ་བ་བརྒྱད་ཅུ་མཐོང་། །ལག་པ་དེ་ལ་ཉེ་བར་འཇོག །གཟུངས་འདི་
D914.100.0249a07.01