完整藏文原文 · 德格版页 当前仅加载第 100 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པར་བྱེད་པ་ནི། །བསྐལ་པ་བྱེ་བ་སྟོང་རྣམས་སུ། །སྔོན་ཆད་སྡིག་པ་གང་བྱས་པ། །ཟླ་བ་གཅིག་གིས་བྱང་བར་འགྱུར། །བྱང་ཆུབ་སེམས་དཔའི་བསོད་ནམས་གང་། །བསྐལ་པ་བྱེ་བར་བསྒྲུབས་པ་ཀུན། །གཟུངས་འདི་འཛིན་པར་བྱེད་པ་ཡིས། །ཟླ་
D914.100.0249b01.01བ་གཅིག་གིས་ཟིལ་གནོན་འགྱུར། །ཁམས་གསུམ་སེམས་ཅན་ཇི་སྙེད་པ། །གལ་ཏེ་ཐམས་ཅད་བདུད་གྱུར་ཀྱང་། །མདོ་སྡེ་འདི་ནི་གང་འཛིན་པ། །དེ་ལ་བར་ཆད་བྱེད་མི་ནུས། །བྱང་ཆུབ་འཚང་རྒྱ་བར་དུ་དེ། །དྲན་དང་བློ་གྲོས་རྟོགས་ལྡན་འགྱུར། །གཟུངས་
D914.100.0249b02.01ཀྱི་དམ་པ་གང་ཡིན་པ། །དེ་ཡི་ལྕེ་ཡི་རྩེ་མོར་གནས། །ཇི་ལྟར་མདོ་སྡེ་བསྟན་འདི་ལ། །གཟུངས་ནི་སོ་སོར་ངེས་པ་བཞིན། །འདི་ལས་ཐམས་ཅད་མཁྱེན་པ་བསྟན། །འདི་ལས་བྱང་ཆུབ་ཐོབ་པར་འགྱུར། །གཟུངས་འདི་བཤད་མ་ཐག་ཏུ་ཡང་། །མར་མེ་ཞེས་
D914.100.0249b03.01བྱས་ང་ལུང་བསྟན། །སྐད་ཅིག་དེ་ལ་སངས་རྒྱས་ནི། །གང་གཱའི་ཀླུང་གི་བྱེ་སྙེད་མཐོང་། །གང་ཞིག་སངས་རྒྱས་ཐམས་ཅད་ཀྱིས། །བསྟན་པ་འདིར་ནི་རྟོགས་འདོད་ཅིང་། །མདོ་སྡེ་འདི་ལ་བསྟེན་པ་དེས། །ཐམས་ཅད་མྱུར་དུ་ཐོབ་པར་འགྱུར། །སངས་རྒྱས་ཞིང་ནི་རྣམ་
D914.100.0249b04.01དག་དང་། །ཉན་ཐོས་ཕུན་སུམ་ཚོགས་པ་དང་། །འོད་དང་མཚན་ཀྱང་རྣམ་དག་པ། །མདོ་སྡེ་འདིས་ནི་བྱེད་པར་འགྱུར། །དེ་བས་བག་ནི་ཡོད་གྱུར་ལ། །ཞག་བདུན་བར་དུ་འདི་སེམས་པ། །སངས་རྒྱས་བྱེ་བ་བརྒྱད་ཅུ་ཡིས། །དེ་ཡི་འོག་ཏུ་གཟུངས་སྦྱིན་འགྱུར། །
D914.100.0249b05.01བསམ་བྱ་སེམས་པར་མི་བསམ་སྟེ། །བསམ་བྱ་མིན་ཡང་མི་བསམ་མོ། །སོམས་ཤིག་འགལ་བར་མ་སེམས་ཤིག །དེ་ཡི་འོག་ཏུ་གཟུངས་ཐོབ་འགྱུར། །དཔེར་ན་རྒྱ་མཚོར་ཕྱིན་པའི་མི། །ནོར་ལ་སོམ་ཉི་མེད་པ་ལྟར། །དེ་བཞིན་གཟུངས་འདི་ཐོབ་གྱུར་
D914.100.0249b06.01ནས། །བདེ་བ་ལ་ཡང་སོམ་ཉི་མེད། །འདི་ལས་རྫོགས་པའི་བྱང་ཆུབ་ཉེ། །དེ་བས་འདི་ལ་སྦྱོར་བར་གྱིས། །ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་པར་འགྱུར། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ།
D914.100.0249b07.01