完整藏文原文 · 德格版页 当前仅加载第 26 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
རྩེ་ཞིང་དགའ་བ་དང་ཡོངས་སུ་སྤྱོད་པ་བསྟན་ན། ཤ་ར་དྭ་ཏིའི་བུ་དེ་ལ་ཇི་སྙམ་དུ་སེམས། སྒྱུ་མའི་མཁན་པོ་དང་། སྒྱུ་མའི་མཁན་པོའི་མཆན་བུ་དེས་འདོད་པའི་ཡོན་ཏན་ལྔ་ལ་ཡོངས་སུ་སྤྱོད་པ་ཡོད་དམ། གསོལ་པ། བཅོམ་
D9.026.0042a01.01ལྡན་འདས་དེ་ལྟ་བུ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོའི་སྒྱུ་མ་ལ་ཤིན་ཏུ་བསླབས་པ། ཆོས་ཉིད་སྒྱུ་མ་ལྟ་བུས་རྣམ་པར་སྤྱོད་པ་རབ་ཏུ་
D9.026.0042a02.01ཐོབ་པ། ཉོན་མོངས་པ་ཐམས་ཅད་དང་བྲལ་བ་དག་ཀྱང་། འདུལ་བའི་སེམས་ཅན་ཡོངས་སུ་སྨིན་པར་བྱ་བའི་ཕྱིར། སྙིང་རྗེ་ཆེན་པོའི་དབང་གིས་འདོད་པའི་ཡོན་ཏན་ལ་ཡོངས་སུ་སྤྱོད་པ་ཡང་སྟོན་ཏེ། དེ་དག་དེ་དང་འགྲོགས་པ་ཡང་མེད། དེས་
D9.026.0042a03.01འགྲོ་བར་འགྱུར་བ་ཡང་མེད་དོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་རྣམ་གྲངས་དུ་མས་འདོད་པ་རྣམས་ལ་སྐྱོན་དུ་བརྗོད་དེ། འདོད་པ་རྣམས་ནི་ཀུན་ནས་འབར་བའོ། །འདོད་པ་རྣམས་ནི་རབ་ཏུ་སྨད་པའོ། །འདོད་པ་རྣམས་ནི་གསོད་པའོ། །
D9.026.0042a04.01འདོད་པ་རྣམས་ནི་དགྲའོ། །འདོད་པ་རྣམས་ནི་ཕྱིར་རྒོལ་བའོ། །འདོད་པ་རྣམས་ནི་རྩྭའི་སྒྲོན་མ་ལྟ་བུའོ། །འདོད་པ་རྣམས་ནི་ཀིམ་པ་ཀའི་འབྲས་བུ་ལྟ་བུའོ། །འདོད་པ་རྣམས་ནི་རལ་གྲིའི་སོ་ལྟ་བུའོ། །འདོད་པ་རྣམས་ནི་མེ་མདག་སྤུངས་པ་ལྟ་བུའོ། །འདོད་པ་རྣམས་ནི་
D9.026.0042a05.01དུག་གི་ལོ་མ་ལྟ་བུའོ། །འདོད་པ་རྣམས་ནི་མཆིལ་པ་ལྟ་བུའོ། །འདོད་པ་རྣམས་ནི་མི་གཙང་བའི་རླུབས་ལྟ་བུའོ་ཞེས་དེ་ལྟར་ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འདོད་པ་རྣམས་ཡོངས་སུ་ཤེས་ཀྱང་སེམས་ཅན་ཐབས་མཁས་པ་མ་ཡིན་པ་རྣམས་ཡོངས་སུ་སྨིན་པར་
D9.026.0042a06.01བྱ་བའི་དོན་དུ་འདོད་པའི་ཡོན་ཏན་ལྔ་ལས་སྐྱོ་བར་བྱ་བ་དང་། འདོད་པའི་ཡོན་ཏན་ལྔ་དང་བྲལ་བའི་ཕྱིར་འདོད་པའི་ཡོན་ཏན་ལྔ་ཉེ་བར་སྟོན་ཏེ། དེ་དག་གིས་མྱོས་པར་འགྱུར་བ་ཡང་མེད། བག་མེད་པར་འགྱུར་བ་ཡང་མེད། འདོད་པའི་རྒྱུ་དང་འདོད་པའི་གཞིས་
D9.026.0042a07.01