完整藏文原文 · 德格版页 当前仅加载第 26 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ར་དྭ་ཏིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། ཁ་ན་མ་ཐོ་བ་དང་བཅས་པའི་ལུས་དང་ངག་དང་ཡིད་ཀྱི་ལས་རྣམས་ཀྱི་གོ་མི་དབྱེའོ། །དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་
D9.026.0068b01.01ཤ་ར་དྭ་ཏིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་ལས་ཁ་ན་མ་ཐོ་བ་དང་བཅས་པ་དང་། ངག་གི་ལས་ཁ་ན་མ་ཐོ་བ་དང་བཅས་པ་དང་། ཡིད་ཀྱི་ལས་ཁ་ན་མ་
D9.026.0068b02.01ཐོ་བ་དང་བཅས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་ཤིང་། འདི་ནི་ལུས་ཡིན་གྱིས་དེས་ནི་ལུས་ཀྱི་ལས་ཤིག་བརྩམ། འདི་ནི་ངག་ཡིན་གྱིས་དེས་ནི་ངག་
D9.026.0068b03.01གི་ལས་ཤིག་བརྩམ། འདི་ནི་ཡིད་ཡིན་གྱིས་དེས་ནི་ཡིད་ཀྱི་ལས་ཤིག་བརྩམ་སྙམ་ན། དེ་ནི་ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་དང་ངག་དང་ཡིད་ཀྱི་ལས་རྩོམ་པ་ཁ་ན་མ་ཐོ་བ་དང་བཅས་པའོ། །ཤ་ར་དྭ་ཏིའི་བུ་བྱང་
D9.026.0068b04.01ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པས་ནི་ལུས་གང་དང་ངག་གང་དང་ཡིད་གང་གིས་འཇུངས་པའི་སེམས་བསྐྱེད་པ་འམ། ཚུལ་ཁྲིམས་ངན་པའི་སེམས་བསྐྱེད་པ་འམ། གནོད་སེམས་ཀྱི་སེམས་བསྐྱེད་པའམ།
D9.026.0068b05.01ལེ་ལོའི་སེམས་བསྐྱེད་པ་འམ། འཁྲུག་པའི་སེམས་བསྐྱེད་པ་འམ། ཤེས་རབ་འཆལ་པའི་སེམས་བསྐྱེད་པར་བྱ་བ་དེ་ལྟ་བུའི་ལུས་མི་དམིགས་སོ། །ངག་མི་དམིགས་སོ། །སེམས་མི་དམིགས་སོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་
D9.026.0068b06.01ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། ལུས་དང་ངག་དང་ཡིད་ཀྱི་གནས་ངན་ལེན་སྐྱེད་པ་ཙམ་དུ་ཡང་ཤེས་པར་མི་བྱ་སྟེ། དེ་ནི་གནས་མེད་དོ། །དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་དེ་ནི་འདི་ལྟར་བྱང་ཆུབ་སེམས་དཔའ་སེམས་དཔའ་
D9.026.0068b07.01