完整藏文原文 · 德格版页 当前仅加载第 26 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
བ་རྣམ་པར་བསྩལ་ཅིང་རྣམ་པར་སྤྱོད་དོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནང་གི་ལུས་ལ་དེ་མི་དམིགས་པའི་ཚུལ་གྱིས། ལུས་ཀྱི་རྗེས་སུ་ལྟ་ཞིང་རྣམ་པར་སྤྱོད་དོ། །དེ་འགྲོ་འམ་འོང་ཡང་ཤེས་བཞིན་དུ་སྤྱོད་པ་ཡིན།
D9.026.0234a01.01ལྟའམ། རྣམ་པར་ལྟ་ཡང་། ཤེས་བཞིན་དུ་སྤྱོད་པ་ཡིན། བསྐུམ་འམ། བརྐྱང་ཡང་ཤེས་བཞིན་དུ་སྤྱོད་པ་ཡིན། སྦྱར་མ་དང་། ལྷུང་བཟེད་འཆང་ཞིང་སྤྱོད་ཀྱང་ཤེས་བཞིན་དུ་སྤྱོད་པ་ཡིན། ཟོས་པ་དང་། འཆོས་པ་དང་། འཐུངས་པ་དང་། མྱངས་པ་ལ་ཡང་ཤེས་བཞིན་དུ་
D9.026.0234a02.01སྤྱོད་པ་ཡིན། ཉལ་བ་དང་། གཉིད་ཀྱི་མྱ་མྱོ་བསལ་བ་ཡང་ཤེས་བཞིན་དུ་སྤྱོད་པ་ཡིན། འགྲོ་བ་དང་། འོང་བ་དང་། འགྲེང་བ་དང་། འདུག་པ་དང་། གཉིད་ཀྱིས་ལོག་པ་དང་། མ་ལོག་པ་དང་། སྨྲ་བ་དང་། མི་སྨྲ་བ་དང་། ནང་དུ་ཡང་དག་འཇོག་ལ་ཡང་ཤེས་བཞིན་དུ་སྤྱོད་པ་
D9.026.0234a03.01ཡིན་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། ནང་གི་ལུས་ལ་དེ་མི་དམིགས་པའི་ཚུལ་གྱིས་ལུས་ཀྱི་རྗེས་སུ་ལྟ་ཞིང་། བརྩོན་འགྲུས་ཅན་ཤེས་བཞིན་དང་ལྡན་པ། དྲན་པ་དང་ལྡན་པས། འཇིག་
D9.026.0234a04.01རྟེན་གྱི་ཆགས་སེམས་དང་། ཡིད་མི་བདེ་བ་རྣམ་པར་བསྩལ་ཅིང་རྣམ་པར་སྤྱོད་དོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། དྲན་ཞིང་དབུགས་ནང་དུ་རྒྱུ་ན་ཡང་། དྲན་ཞིང་དབུགས་ནང་དུ་རྒྱུའོ། །ཞེས་བྱ་
D9.026.0234a05.01བར་རབ་ཏུ་ཤེས་སོ། །དྲན་ཞིང་དབུགས་ཕྱིར་རྒྱུ་ན་ཡང་། དྲན་ཞིང་དབུགས་ཕྱིར་རྒྱུའོ་ཞེས་བྱ་བར་རབ་ཏུ་ཤེས་སོ། །དབུགས་ནང་དུ་རིང་དུ་རྒྱུ་ན་ཡང་། དབུགས་ནང་དུ་རིང་དུ་རྒྱུའོ་ཞེས་བྱ་བར་རབ་ཏུ་ཤེས་སོ། །དབུགས་ཕྱིར་རིང་དུ་རྒྱུ་ན་ཡང་། དབུགས་ཕྱིར་རིང་དུ་རྒྱུའོ་ཞེས་བྱ་
D9.026.0234a06.01བར་རབ་ཏུ་ཤེས་སོ། །དབུགས་ནང་དུ་ཐུང་དུ་རྒྱུ་ན་ཡང་། དབུགས་ནང་དུ་ཐུང་དུ་རྒྱུའོ་ཞེས་བྱ་བར་རབ་ཏུ་ཤེས་སོ། །དབུགས་ཕྱིར་ཐུང་དུ་རྒྱུ་ན་ཡང་། དབུགས་ཕྱིར་ཐུང་དུ་རྒྱུའོ་ཞེས་བྱ་བར་རབ་ཏུ་ཤེས་སྟེ། རབ་འབྱོར་འདི་ལྟ་སྟེ། དཔེར་ན། རྫ་མཁན་འཁོར་ལོ་བསྐོར་བ་
D9.026.0234a07.01