完整藏文原文 · 德格版页 当前仅加载第 27 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བཏབ་བོ། །མེ་ཏོག་དང་། སྤོས་ཀྱིས་གཏོར་རོ། །བདུག་སྤོས་འཐུལ་བའི་སྣོད་གཞག་གོ། །དར་གྱི་ལྡ་ལྡི་དང་། གོས་ཀྱི་བླ་རེ་བྲེ་ཞིང་སའི་ཕྱོགས་དེ་ཡང་རྣམ་པ་དུ་མས་བརྒྱན་པར་བྱའོ། །ཀཽ་ཤི་ཀ་རིགས་ཀྱི་བུ་འམ། རིགས་ཀྱི་བུ་མོ་དེ་ལ་ངལ་ཞིང་ཆད་པར་འགྱུར་
D9.027.0098b01.01བ་མེད་དེ། རིགས་ཀྱི་བུའམ། རིགས་ཀྱི་བུ་མོ་དེ་ནི་ལུས་བདེ་བ་དང་། ལུས་ཡང་བ་དང་། ལུས་གསལ་བ་ཡང་ཉམས་སུ་མྱོང་བར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་དེས་ནི་སེམས་བདེ་བ་དང་། སེམས་ཡང་བ་དང་། སེམས་གསལ་བ་ཡང་
D9.027.0098b02.01ཉམས་སུ་མྱོང་བར་འགྱུར་རོ། །དེ་ནས་ནུབ་མོ་ཉལ་ན་ཡང་ཤེས་རབ་ཀྱི་ཕ་རོལ་དུ་ཕྱིན་པ་འདི་ལ་བསམ་པས་མོས་པར་བྱས་ན། སྡིག་ཏོའི་རྨི་ལམ་མཐོང་བར་མི་འགྱུར་རོ། །དེས་མཐོང་ན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D9.027.0098b03.01རྒྱས་མི་ཆེན་པོའི་མཚན་སུམ་ཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་ཅུས་ཀུན་དུ་བརྒྱན་པ། སྐུ་གསེར་གྱི་མདོག་ཏུ་བཞུགས་པ། དགེ་སློང་གི་དགེ་འདུན་གྱིས་ཀུན་ནས་བསྐོར་བ། བྱང་ཆུབ་སེམས་དཔའི་ཚོགས་ཀྱིས་མདུན་དུ་བདར་བ།
D9.027.0098b04.01ཆོས་སྟོན་པ་མཐོང་བར་འགྱུར་ཏེ། དེ་བཞིན་གཤེགས་པ་དེ་ལས་འདི་ལྟ་སྟེ། ཕ་རོལ་དུ་ཕྱིན་པ་དྲུག་དང་། སྟོང་པ་ཉིད་ཐམས་ཅད་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་ཀྱི་ཆོས་བསྟན་པའང་
D9.027.0098b05.01ཐོས་པར་འགྱུར་རོ། །ཕ་རོལ་དུ་ཕྱིན་པ་དྲུག་པོ་དེའི་དོན་རྣམ་པར་ཕྱེ་བ་ཡང་ཐོས་པར་འགྱུར་རོ། །སྟོང་པ་ཉིད་ཐམས་ཅད་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་ཀྱི་བར་དེ་དག་གི་དོན་
D9.027.0098b06.01རྣམ་པར་ཕྱེ་བ་ཡང་ཐོས་པར་འགྱུར་རོ། །བྱང་ཆུབ་ཀྱི་ཤིང་ཡང་མཐོང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་ཤིང་དྲུང་དུ་འགྲོ་བ་ཡང་མཐོང་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་
D9.027.0098b07.01