完整藏文原文 · 德格版页 当前仅加载第 27 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གང་ཡང་སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བའམ། ཡོངས་སུ་གཟུང་བའམ། དོར་བ་མེད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་གང་སྐྱེ་བའམ། འགག་པ་འམ། ཀུན་ནས་ཉོན་མོངས་པའམ། རྣམ་པར་བྱང་བའམ། ཡོངས་སུ་གཟུང་བའམ།
D9.027.0214b01.01དོར་བར་བྱ་བའི་ཆོས་དེ་ལྟ་བུ་མེད་དོ། །རབ་འབྱོར་ཕ་རོལ་དུ་ཕྱིན་པ་རིན་པོ་ཆེ་འདི་ལ་ནི་དགེ་བའམ། མི་དགེ་བའམ། འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པ་འམ་ཟག་པ་མེད་པའམ། འདུས་བྱས་སམ་འདུས་མ་བྱས་ཀྱི་ཆོས་གང་ཡང་དམིགས་
D9.027.0214b02.01སུ་མེད་དེ་རབ་འབྱོར་རྣམ་གྲངས་ངེས་ཀྱང་ཕ་རོལ་དུ་ཕྱིན་པ་རིན་པོ་ཆེ་ནི་དམིགས་སུ་མེད་དོ། །རབ་འབྱོར་ཕ་རོལ་དུ་ཕྱིན་པ་རིན་པོ་ཆེ་ལ་ནི་གང་གིས་ཀྱང་འགོ་བ་མེད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་གང་འགོ་བར་འགྱུར་བའི་ཆོས་དེ་ལྟ་བུ་དམིགས་སུ་མེད་དོ། །རབ་འབྱོར་དེའི་
D9.027.0214b03.01ཕྱིར་ན་ཕ་རོལ་དུ་ཕྱིན་པ་འདི་ནི་འགོ་བ་མེད་པའི་ཕ་རོལ་དུ་ཕྱིན་པ་རིན་པོ་ཆེ་འོ། །རབ་འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། དེ་ལྟར་འདུ་ཤེས་པར་ཡང་མི་བྱེད་ལ། དེ་ལྟར་མི་རྟོག་ཅིང་དེ་ལྟར་མི་དམིགས་ཏེ།
D9.027.0214b04.01དེ་ལྟར་འཕྲོ་བར་ཡང་མི་བྱེད་ན་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པ་སྟེ། ཤེས་རབ་ཀྱི་ཕ་རོལ་དུ་ཕྱིན་པ་ལ་སྒོམ་པའོ། །དེ་ནི་སངས་རྒྱས་བཅོམ་ལྡན་འདས་རྣམས་མཉེས་པར་བྱེད་པའོ། །སངས་རྒྱས་བཅོམ་ལྡན་འདས་རྣམས་མངོན་པར་བསམས་ཤིང་།
D9.027.0214b05.01སངས་རྒྱས་བཅོམ་ལྡན་འདས་དེ་དག་ལ་རིམ་གྲོར་བྱ་བ་དང་། བཀུར་སྟིར་བྱ་བ་དང་། བསྟི་སྟང་དུ་བྱ་བ་དང་། མཆོད་པར་བྱ་བའི་ཕྱིར་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་སྟེ། སེམས་ཅན་ཡོངས་སུ་སྨིན་པར་བྱ་བ་དང་། སངས་རྒྱས་ཀྱི་ཞིང་ཡོངས་སུ་སྤྱོད་
D9.027.0214b06.01པར་བྱེད་ཅིང་། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོའོ། །རབ་འབྱོར་ཤེས་རབ་ཀྱི་ཕ་རོལ་དུ་ཕྱིན་པ་འདི་ནི་ཆོས་གང་ཡང་སྟོན་པའམ། རྣམ་པར་སྟོན་པའམ། ཡོངས་སུ་སྟོན་པའམ། འཛིན་པར་བྱེད་པའམ། འབྱིན་པར་བྱེད་པའམ། སྐྱེ་བར་བྱེད་པའམ།
D9.027.0214b07.01