完整藏文原文 · 德格版页 当前仅加载第 27 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་འདི་ཡོངས་སུ་ཞུ་བར་སེམས་པ་ལེགས་སོ་ལེགས་སོ། །ཀཽ་ཤི་ཀ་ཁྱོད་ཀྱི་སྤོབས་པ་འདི་ཡང་སངས་རྒྱས་ཀྱི་བྱིན་གྱིས་བརླབས་ཀྱིས་བྱུང་ངོ་། །ཀཽ་ཤི་ཀ་འདི་ལ་བྱང་ཆུབ་
D9.027.0225a01.01སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་དུ་ཕྱིན་པ་ལ་སྤྱོད་པའི་ཚེ། གཟུགས་ལ་མི་གནས་ཏེ། །གང་གི་ཚེ་གཟུགས་ལ་མི་གནས་པ་དེའི་ཚེ། གཟུགས་ལ་བརྩོན་པར་བྱེད་པ་ཡིན་ནོ། །ཚོར་བ་དང་འདུ་ཤེས་དང་འདུ་བྱེད་དང་། རྣམ་པར་ཤེས་པ་ལ་མི་གནས་ཏེ། གང་
D9.027.0225a02.01གི་ཚེ་རྣམ་པར་ཤེས་པ་ལ་མི་གནས་པ་དེའི་ཚེ། རྣམ་པར་ཤེས་པ་ལ་བརྩོན་པར་བྱེད་པ་ཡིན་ནོ། །མིག་ལ་མི་གནས་ཏེ། གང་གི་ཚེ་མིག་ལ་མི་གནས་པ་དེའི་ཚེ། མིག་ལ་བརྩོན་པར་བྱེད་པ་ཡིན་ནོ། །རྣ་བ་དང་སྣ་དང་ལྕེ་དང་ལུས་དང་ཡིད་ལ་མི་གནས་ཏེ། གང་གི་ཚེ་ཡིད་ལ་མི་
D9.027.0225a03.01གནས་པ་དེའི་ཚེ། ཡིད་ལ་བརྩོན་པར་བྱེད་པ་ཡིན་ནོ། །གཟུགས་ལ་མི་གནས་ཏེ། གང་གི་ཚེ་གཟུགས་ལ་མི་གནས་པ་དེའི་ཚེ། གཟུགས་ལ་བརྩོན་པར་བྱེད་པ་ཡིན་ནོ། །སྒྲ་དང་དྲི་དང་རོ་དང་རེག་དང་ཆོས་ལ་མི་གནས་ཏེ། གང་གི་ཚེ་ཆོས་ལ་མི་གནས་པ་དེའི་ཚེ། ཆོས་ལ་
D9.027.0225a04.01བརྩོན་པར་བྱེད་པ་ཡིན་ནོ། །མིག་གི་རྣམ་པར་ཤེས་པ་ལ་མི་གནས། མིག་གི་འདུས་ཏེ་རེག་པ་ལ་མི་གནས། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ལ་མི་གནས། རྣ་བ་དང་སྣ་དང་ལྕེ་དང་ལུས་དང་ཡིད་ཀྱི་རྣམ་པར་ཤེས་པ་ལ་མི་གནས། ཡིད་ཀྱི་འདུས་ཏེ་རེག་པ་ལ་
D9.027.0225a05.01མི་གནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ལ་མི་གནས་ཏེ། གང་གི་ཚེ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ལ་མི་གནས་པ་དེའི་ཚེ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ལ་བརྩོན་པར་བྱེད་པ་ཡིན་ནོ། །སའི་ཁམས་ལ་མི་གནས་ཏེ། གང་གི་
D9.027.0225a06.01ཚེ་སའི་ཁམས་ལ་མི་གནས་པ་དེའི་ཚེ། སའི་ཁམས་ལ་བརྩོན་པར་བྱེད་པ་ཡིན་ནོ། །ཆུའི་ཁམས་དང་མེའི་ཁམས་དང་། རླུང་གི་ཁམས་དང་ནམ་མཁའི་ཁམས་དང་རྣམ་པར་ཤེས་པའི་ཁམས་ལ་མི་གནས་ཏེ། གང་གི་ཚེ་རྣམ་པར་ཤེས་པའི་ཁམས་ལ་མི་གནས་པ་དེའི་
D9.027.0225a07.01