完整藏文原文 · 德格版页 当前仅加载第 28 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན། ཕྱིར་མི་འོང་བར་ཞུགས་པའི་ཤུལ་ཀྱང་གཞན། ཕྱིར་མི་འོང་བའི་ཤུལ་ཀྱང་གཞན། དགྲ་བཅོམ་པར་ཞུགས་པའི་ཤུལ་ཀྱང་གཞན། དགྲ་བཅོམ་པའི་ཤུལ་ཀྱང་གཞན། རང་སངས་རྒྱས་སུ་ཞུགས་པའི་ཤུལ་ཀྱང་གཞན། རང་སངས་རྒྱས་ཀྱི་ཤུལ་ཀྱང་གཞན། དེ་བཞིན་གཤེགས་པ་དགྲ་བཅོམ་པ་
D9.028.0158a01.01ཡང་དག་པར་རྫོགས་པའི་སངས་རྒྱས་ཀྱི་ཤུལ་ཀྱང་གཞན་ཏེ། བཅོམ་ལྡན་འདས་གལ་ཏེ་ཤུལ་དེ་དག་གཞན་དང་གཞན་ན། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཤུལ་ཐམས་ཅད་ཡོངས་སུ་རྫོགས་པར་བགྱིས་ཏེ། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པར་
D9.028.0158a02.01བགྱི། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་ཤུལ་ཐམས་ཅད་ཡོངས་སུ་རྫོགས་པར་བགྱི་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བརྒྱད་པའི་ཤུལ་བསྒྲུབས་ཤིང་། བརྒྱད་པར་མི་འགྱུར་ཏམ། མཐོང་བའི་ཤུལ་བསྒྲུབས་ཤིང་། རྒྱུན་དུ་
D9.028.0158a03.01ཞུགས་པར་མི་འགྱུར་ཏམ། བསྒོམ་པའི་ཤུལ་བསྒྲུབས་ཤིང་། ལན་ཅིག་ཕྱིར་འོང་བར་ཞུགས་པ་འམ། ལན་ཅིག་ཕྱིར་འོང་བར་མི་འགྱུར་ཏམ། ཕྱིར་མི་འོང་བར་ཞུགས་པ་འམ། ཕྱིར་མི་འོང་བར་མི་འགྱུར་ཏམ། དགྲ་བཅོམ་པར་ཞུགས་པ་འམ། དགྲ་བཅོམ་པར་མི་འགྱུར་ཏམ།
D9.028.0158a04.01རང་སངས་རྒྱས་ཀྱི་ཤུལ་བསྒྲུབས་ཤིང་། རང་སངས་རྒྱས་སུ་མི་འགྱུར་ཏམ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བརྒྱད་པར་གྱུར་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་དང་སྐབས་མ་མཆིས་ཏེ། དེ་ནི་གནས་མ་ལགས་
D9.028.0158a05.01སོ། །བྱང་ཆུབ་སེམས་དཔའི་སྐྱོན་མ་མཆིས་པར་མ་ཆུད་པར་ཡང་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་
D9.028.0158a06.01བྱང་ཆུབ་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་ཆུབ་སེམས་དཔའི་སྐྱོན་མ་མཆིས་པར་མ་ཆུད་པར། རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས་ན། བཅོམ་ལྡན་འདས་དེ་ལྟར་བྱང་ཆུབ་སེམས་དཔའ་
D9.028.0158a07.01