完整藏文原文 · 德格版页 当前仅加载第 28 函德格 364a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ཙམ་ཞིག་སྦྱིན་པར་བྱ་བའི་མཆོག་སློངས་ཤིག །རྟག་པར་རབ་ཏུ་ངུ་བས་བརྒྱ་བྱིན་ལ་སྨྲས་པ། བརྒྱ་བྱིན་བདག་ལ་བླ་ན་མེད་པའི་སངས་རྒྱས་ཀྱི་ཆོས་བྱིན་ཅིག། བརྒྱ་བྱིན་གྱིས་སྨྲས་པ། རིགས་ཀྱི་བུ་ཡུལ་འདི་ནི་བདག་
D9.028.0364a01.01གི་སྤྱོད་ཡུལ་མ་ཡིན་གྱི། ཡུལ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་ལོ། །དེ་བས་ན་མཆོག་གཞན་ཞིག་སློངས་ཤིག །བྱང་ཆུབ་སེམས་དཔའ་རྟག་པར་རབ་ཏུ་ངུ་བས་སྨྲས་པ། ལྷའི་དབང་པོ་འོ་ན་ཁྱོད་ཐུགས་ཁྲལ་ཆུང་ངུ་
D9.028.0364a02.01གྱིས་ལ་བཞུགས་ཤིག། བདག་གིས་ལུས་ཡོངས་སུ་རྫོགས་པར་བྱ་བའི་ཕྱིར། བདག་རང་བདེན་པ་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D9.028.0364a03.01ཏུ་ལུང་བསྟན་ཅིང་། བདག་ལ་སྒྱུ་མེད་པ་དང་ལྷག་པའི་བསམ་པ་ཡོད་པར་བདེན་པའི་བྱིན་གྱིས་བརླབས་བྱའོ། །ལྷའི་དབང་པོ་བདེན་པ་དེ་དང་བདེན་པའི་ཚིག་དེས་བདག་གི་ལུས་སྔ་མ་བཞིན་དུ་གྱུར་ཅིག །དེ་ནས་སྐད་ཅིག་དེ་དང་། ཐང་ཅིག་དེ་དང་།
D9.028.0364a04.01ཡུད་ཙམ་དེ་ཉིད་ལ་སངས་རྒྱས་ཀྱི་མཐུ་དང་། ལྷག་པའི་བསམ་པ་ཡོངས་སུ་དག་པས། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བའི་ལུས་སྔ་མ་བཞིན་དུ་གནས་པར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་སྤོབས་པ་མེད་
D9.028.0364a05.01པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་ལ་དེ་ལས་གཞན་ལན་འདེབས་མ་ནུས་ནས། གནས་དེ་ཉིད་དུ་མི་སྣང་བར་གྱུར་ཏོ། །དེ་ནས་ཚོང་དཔོན་གྱི་བུ་མོ་དེས་བྱང་ཆུབ་སེམས་དཔའ་སེམས་དཔའ་ཆེན་པོ་
D9.028.0364a06.01རྟག་པར་རབ་ཏུ་ངུ་བ་ལ་འདི་སྐད་སྨྲས་སོ། །རིགས་ཀྱི་བུ་བདག་གི་ཁྱིམ་གང་ན་བ་དེར་བཞུད་ཀྱིས་ཚུར་སྤྱོན། བདག་གི་ཕ་མ་ལས་ནོར་བསླངས་ཏེ། ཁྱོད་ཆོས་འདོད་པའི་ཕྱིར་ཤེས་རབ་ཀྱི་ཕ་རོལ་དུ་ཕྱིན་པ་མཆོད་པ་དང་། འཕགས་པ་བྱང་ཆུབ་
D9.028.0364a07.01