完整藏文原文 · 德格版页 当前仅加载第 28 函德格 374a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བདག་གི་ལུས་ཀྱིས་ཀྱང་བཀབ་ནས་ཚིག་འདི་སྐད་སྨྲས་སོ། །རིགས་ཀྱི་བུ་ཁྱོད་ལ་དེང་ཕན་ཆད་གཡོག་བྱ་བའི་ཕྱིར་བདག་གི་ལུས་ཀྱང་འབུལ་ལོ་ཞེས་ནས། དེ་བར་སྣང་ལས་བབས་ཏེ་བདག་ཕུལ་ནས། བྱང་
D9.028.0374a01.01ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པའི་མདུན་དུ་ཐལ་མོ་སྦྱར་ཏེ་འདུག་གོ །དེ་ནས་ཚོང་དཔོན་གྱི་བུ་མོ་དང་བུ་མོ་ལྔ་བརྒྱ་པོ་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་ལ་འདི་སྐད་སྨྲས་སོ། །
D9.028.0374a02.01རིགས་ཀྱི་བུ་ཁྱོད་ལ་བདག་ཅག་ཀྱང་འདི་ལྟར་ལུས་འབུལ་ལོ། །བདག་ཅག་ཀྱང་དགེ་བའི་རྩ་བ་འདིས་ཆོས་དེ་དག་ཉིད་ཐོབ་པར་གྱུར་ཅིག །ཕྱིན་ཆད་ཀྱང་ཁྱོད་ཉིད་དང་ལྷན་ཅིག་ཏུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་བྱེད་
D9.028.0374a03.01པར་གྱུར་ཅིག །ཁྱོད་དང་ལྷན་ཅིག་ཏུ་གནས་པར་གྱུར་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བས། ཚོང་དཔོན་གྱི་བུ་མོ་དེ་དང་བུ་མོ་ལྔ་བརྒྱ་པོ་དེ་དག་ལ་འདི་སྐད་སྨྲས་སོ། །བུ་མོ་ཁྱོད་སྙིང་ནས་ངའི་བསམ་པ་དང་
D9.028.0374a04.01འཐུན་པར་བྱེད་ཅིང་། སྙིང་ནས་ང་ལ་ལུས་འབུལ་ན་ནི་ང་ཡང་ཁྱེད་ལེན་ཏོ། །བུ་མོ་དེ་དག་གིས་སྨྲས་པ། བདག་ཅག་ཁྱོད་ལ་སྙིང་ནས་བསམ་པ་དང་འཐུན་པར་བྱེད་ཅིང་། ཁྱོད་ཅི་དགོས་པ་བྱ་བའི་ཕྱིར་སྙིང་ནས་ལུས་འབུལ་ལོ། །དེ་
D9.028.0374a05.01ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བས། ཚོང་དཔོན་གྱི་བུ་མོ་དེ་ལ་{སྩོགས་,སོགས་}པ་བུ་མོ་ལྔ་བརྒྱ་རྣམས་རྒྱན་ཐམས་ཅད་ཀྱིས་ཀླུབས། ཤིང་རྟ་ལྔ་བརྒྱ་པོ་དེ་རྣམས་ཀྱང་རྒྱན་གྱིས་བརྒྱན་ནས། ཐམས་ཅད་བྱང་ཆུབ་
D9.028.0374a06.01སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་ལ་ཕུལ་ཏེ། རིགས་ཀྱི་བུ་ཁྱོད་ལ་བུ་མོ་འདི་རྣམས་དང་། ཤིང་རྟ་ལྔ་བརྒྱ་པོ་འདི་རྣམས་ཡོངས་སུ་སྤྱད་པར་བྱ་བའི་ཕྱིར་དབུལ་ལོ། །ཞེས་སྨྲས་སོ། །དེ་ནས་ལྷའི་དབང་པོ་བརྒྱ་བྱིན་
D9.028.0374a07.01