完整藏文原文 · 德格版页 当前仅加载第 28 函德格 363b 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་པ་དང་། བདེ་བར་འགྱུར་བ་འདི་དག་ཡོངས་སུ་བསྒྲགས་སོ། །རིགས་ཀྱི་བུ་ཁྱོད་ཅི་དགོས་པ་གསེར་རམ། དངུལ་ལམ། བཻ་ཌཱུརྱ་འམ། ནོར་བུ་རིན་པོ་ཆེ་འམ། མུ་ཏིག་གམ། མེ་ཏོག་གམ། བདུག་པ་འམ། སྤོས་སམ།
D9.028.0363b01.01ཕྲེང་བ་འམ། བྱུག་པ་འམ། ཕྱེ་མ་འམ། གོས་སམ། གདུགས་དང་། རྒྱལ་མཚན་དང་། བ་དན་གང་གིས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་དེ་ལ་རིམ་གྲོར་བྱ་བར་འགྱུར་བ་དེ་དག་བདག་གིས་
D9.028.0363b02.01ཕ་མ་ལས་བསླངས་ཏེ་སྦྱིན་གྱིས། བདག་ལ་བདག་འདི་ལྟ་བུའི་གནོད་པ་མ་བྱེད་ཅིག །བདག་ཀྱང་ཆོས་དེ་རྣམས་འདོད་དེ། བདག་ཀྱང་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་གང་ན་བ་དེར་ཁྱོད་དང་
D9.028.0363b03.01ལྷན་ཅིག་ཏུ་འགྲོའོ། །བདག་ཀྱང་འདི་ལྟར་ཆོས་དེ་ལྟ་བུ་དེ་དག་ཐོབ་པར་བྱ་བའི་ཕྱིར་ཁྱོད་དང་ལྷན་ཅིག་ཏུ་དགེ་བའི་རྩ་བ་བསྐྱེད་དོ། །དེ་ནས་ལྷའི་དབང་པོ་བརྒྱ་བྱིན་བྲམ་ཟེའི་ཁྱེའུ་ཡི་ལུས་མི་སྣང་བར་བྱས་ནས། བདག་ཉིད་ཀྱི་ལུས་སུ་བྱང་ཆུབ་སེམས་
D9.028.0363b04.01དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བའི་མདུན་དུ་འདུག་ནས་འདི་སྐད་སྨྲས་སོ། །རིགས་ཀྱི་བུ་འདི་ལྟ་བུར་ཡི་དམ་ལ་བརྟན་པ་ལེགས་སོ། །ལེགས་སོ། །རིགས་ཀྱི་བུ་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D9.028.0363b05.01པའི་སངས་རྒྱས་རྣམས་ཀྱིས་ཀྱང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། ཆོས་དོན་དུ་གཉེར་བའི་ཚུལ་འདི་ལྟ་བུས། ཤེས་རབ་ཀྱི་ཕ་རོལ་དུ་ཕྱིན་པ་ལ་ཐབས་མཁས་པས་བཙལ་ཅིང་དགེ་བའི་བཤེས་གཉེན་ལ་ཡོངས་སུ་དྲིས་ནས།
D9.028.0363b06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །རིགས་ཀྱི་བུ་བདག་ལ་ནི་སྙིང་དང་། ཁྲག་དང་རུས་པ་དང་རྐང་མི་དགོས་ཀྱི། ཁྱོད་ལ་ཉམས་སད་པའི་ཕྱིར་འདིར་འོངས་ཀྱིས། རིགས་ཀྱི་བུ་ཁྱོད་ལ་མཆོག་
D9.028.0363b07.01