完整藏文原文 · 德格版页 当前仅加载第 29 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཆེན་པོ་བཞི་པོ་གང་དག་འཁོད་པ་དེ་དག་འདི་སྙམ་དུ་སེམས་ཏེ། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་སྔོན་གྱི་རྒྱལ་པོ་ཆེན་པོ་བཞི་པོ་དེ་དག་གིས་ལྷུང་བཟེད་དག་ཕུལ་བ་ལྟར་བདག་ཅག་གིས་ཀྱང་། བྱང་ཆུབ་སེམས་
D10.029.0021b01.01དཔའ་སེམས་དཔའ་ཆེན་པོ་འདི་ལ་ལྷུང་བཟེད་བཞི་དབུལ་བར་བྱའོ་སྙམ་དུ་སེམས་ཤིང་ཡིད་དགའ་བར་འགྱུར་རོ། །སུམ་ཅུ་རྩ་གསུམ་པའི་ལྷ་རྣམས་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཀྱང་འདི་སྙམ་
D10.029.0021b02.01དུ། དེ་ལྟར་ན་ལྷ་མ་ཡིན་གྱི་རིས་རྣམས་ནི་ཡོངས་སུ་འགྲིབ་པར་འགྱུར་ཞིང་། ལྷའི་རིས་རྣམས་ནི་མངོན་པར་འཕེལ་བར་འགྱུར་བས། བདག་ཅག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་ལ་རིམ་གྲོ་བསྐྱེད་པར་བྱའོ་སྙམ་དུ་སེམས་ཤིང་ཡིད་དགའ་བར་འགྱུར་རོ། །སྟོང་
D10.029.0021b03.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཚངས་པ་ཆེན་པོ་དག་དང་། ཚངས་རིས་ཀྱི་ལྷ་ནས་བཟུང་སྟེ། ཚངས་པ་ཐམས་ཅད་དང་། འོག་མིན་གྱི་བར་གྱི་ལྷ་དག་འདི་སྙམ་དུ། བྱང་ཆུབ་སེམས་དཔའ་སེམས་དཔའ་ཆེན་པོ་འདི་མངོན་པར་རྫོགས་པར་སངས་རྒྱས་ནས།
D10.029.0021b04.01ཆོས་ཀྱི་འཁོར་ལོ་བསྐོར་བའི་དོན་དུ་བདག་ཅག་གིས་གསོལ་བ་གདབ་པར་བྱའོ་སྙམ་དུ་སེམས་ཤིང་ཡིད་དགའ་བར་འགྱུར་རོ། །ཤཱ་རིའི་བུ་གཞན་ཡང་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་ཕ་རོལ་ཏུ་ཕྱིན་པ་དྲུག་
D10.029.0021b05.01གིས་རྣམ་པར་འཕེལ་བ་དེའི་ཚེ། རིགས་ཀྱི་བུ་དང་། རིགས་ཀྱི་བུ་མོ་རྣམས་ཀྱང་འདི་སྙམ་དུ། བདག་ཅག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་འདིའི་ཕ་དང་། མ་དང་། ཆུང་མ་དང་། བུ་དང་། མཛའ་བཤེས་དང་། ཉེ་དུ་དང་། སྣག་གི་གཉེན་
D10.029.0021b06.01མཚམས་དག་ཏུ་འགྱུར་རོ་སྙམ་དུ་སེམས་ཤིང་། ཡིད་དགའ་བར་འགྱུར་རོ། །རྒྱལ་པོ་ཆེན་པོ་བཞི་དང་། སུམ་ཅུ་རྩ་གསུམ་པའི་ལྷ་རྣམས་དང་། འོག་མིན་གྱི་བར་གྱི་ལྷ་རྣམས་ཀྱང་འདི་སྙམ་དུ་དེ་ནི་སེམས་ཅན་རྣམས་བྱང་ཆུབ་ལ་ངེས་པར་སྦྱར་བའི་ཕྱིར། ཀུན་ཏུ་སྦྱོར་བར་འགྱུར་བའི་
D10.029.0021b07.01