完整藏文原文 · 德格版页 当前仅加载第 29 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྟོང་པ་དང་། དབེན་པ་དང་། ངོ་བོ་ཉིད་མེད་པ་གང་ཡིན་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་བར་དང་། སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་གང་ཡིན་པ་དེ་དག་ཐམས་ཅད་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །ཚེ་དང་ལྡན་པ་
D10.029.0214b01.01ཤཱ་རིའི་བུ་རྣམ་གྲངས་དེས་ན། བྱང་ཆུབ་སེམས་དཔའ་སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་སུ་ཁས་མི་ལེན་ཏོ། །ཚེ་དང་ལྡན་པ་ཤཱ་རིའི་བུ་གཞན་ཡང་ཏིང་ངེ་འཛིན་ཐམས་ཅད་མེད་པ་དང་། གཟུངས་ཀྱི་སྒོ་ཐམས་ཅད་མེད་པ་དང་། ཆོས་ཀྱི་དབྱིངས་མེད་པ་དང་།
D10.029.0214b02.01དེ་བཞིན་ཉིད་མེད་པ་དང་། ཡང་དག་པའི་མཐའ་མེད་པ་དང་། ཡང་དག་པའི་མཐའ་སྟོང་པ་དང་། ཡང་དག་པའི་མཐའ་དབེན་པ་དང་། ཡང་དག་པའི་མཐའ་ངོ་བོ་ཉིད་མེད་པའི་ཕྱིར་བྱང་ཆུབ་སེམས་དཔའ་སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་སུ་ཁས་མི་ལེན་ཏོ། །
D10.029.0214b03.01དེ་ཅིའི་ཕྱིར་ཞེ་ན། ཏིང་ངེ་འཛིན་མེད་པ་དང་། ཡང་དག་པའི་མཐའི་བར་དུ་མེད་པ་དང་། ཡང་དག་པའི་མཐའི་བར་དུ་ངོ་བོ་ཉིད་མེད་པ་ལ་སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་མི་དམིགས་པའི་ཕྱིར་རོ། །ཚེ་དང་ལྡན་པ་ཤཱ་རིའི་བུ་མེད་པ་ཡང་གཞན། སྟོང་
D10.029.0214b04.01པ་ཡང་གཞན། དབེན་པ་ཡང་གཞན། ངོ་བོ་ཉིད་མེད་པ་ཡང་གཞན། བྱང་ཆུབ་སེམས་དཔའ་ཡང་གཞན། ཡང་དག་པའི་མཐའི་བར་དུ་ཡང་གཞན་ཞིང་། སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་ཀྱང་གཞན་པ་མ་ཡིན་ཏེ། ཚེ་དང་ལྡན་པ་ཤཱ་རིའི་
D10.029.0214b05.01བུ་དེ་ལྟར་ན་མེད་པ་གང་ཡིན་པ་དང་། ངོ་བོ་ཉིད་མེད་པའི་བར་གང་ཡིན་པ་དང་། ཏིང་ངེ་འཛིན་གང་ཡིན་པ་དང་། ཡང་དག་པའི་མཐའི་བར་དང་། བྱང་ཆུབ་སེམས་དཔའ་དང་། སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་གང་ཡིན་པ་དེ་དག་ནི་ཐམས་
D10.029.0214b06.01ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་གཉིས་སུ་མེད་ཅིང་གཉིས་སུ་དབྱེར་མེད་དོ། །ཚེ་དང་ལྡན་པ་ཤཱ་རིའི་བུ་རྣམ་གྲངས་དེས་ན། བྱང་ཆུབ་སེམས་དཔའ་སྔོན་གྱི་མཐའ་དང་། ཕྱི་མའི་མཐའ་དང་། དབུས་རྣམས་སུ་ཁས་མི་ལེན་ཏོ། །ཚེ་དང་ལྡན་པ་ཤཱ་
D10.029.0214b07.01