完整藏文原文 · 德格版页 当前仅加载第 29 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱང་བ་དང་། ཆོས་ཐམས་ཅད་མི་དམིགས་པའི་ཕྱིར་ཆོས་ཚོལ་བ་ཡོངས་སུ་སྦྱང་བ་དང་། ཁྱིམ་མི་དམིགས་པའི་ཕྱིར་རྒྱུན་མི་འཆད་པར་མངོན་པར་འབྱུང་བ་ཡོངས་སུ་སྦྱང་བ་དང་། མཚན་དང་དཔེ་བྱད་བཟང་པོའི་མཚན་མ་མི་དམིགས་པའི་ཕྱིར་སངས་རྒྱས་ཀྱི་སྐུ་འདོད་པ་ཡོངས་
D10.029.0168b01.01སུ་སྦྱང་བ་དང་། ཆོས་ཀྱི་དབྱེ་བ་མི་དམིགས་པའི་ཕྱིར། ཆོས་རྣམ་པར་འགྲེལ་བ་ཡོངས་སུ་སྦྱང་བ་དང་། ཆོས་ཀྱི་ཡོད་པ་ཉིད་མི་དམིགས་པའི་ཕྱིར། ང་རྒྱལ་གྱིས་ཁེངས་པ་ངེས་པར་གཞོམ་པ་ཡོངས་སུ་སྦྱང་བ་དང་། ཚིག་མི་དམིགས་པའི་ཕྱིར། བདེན་པའི་ཚིག་ཡོངས་
D10.029.0168b02.01སུ་སྦྱང་བ་སྟེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ས་དང་པོ་ལ་གནས་པས་ཡོངས་སུ་སྦྱང་བ་བཅུ་པོ་འདི་དག་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ས་གཉིས་པ་ལ་གནས་པས་རྟག་ཏུ་ཆོས་བརྒྱད་ཡིད་ལ་བྱ་ཞིང་དེ་དག་
D10.029.0168b03.01ལ་ནན་ཏན་བྱའོ། །བརྒྱད་གང་ཞེ་ན། འདི་ལྟ་སྟེ། ཚུལ་ཁྲིམས་ཡོངས་སུ་དག་པ་དང་བྱས་པ་གཟོ་ཞིང་བྱས་པ་ཚོར་བ་དང་། བཟོད་པའི་སྟོབས་ལ་གནས་པ་དང་། མཆོག་ཏུ་དགའ་ཞིང་དགའ་བ་ཉམས་སུ་མྱང་བར་བྱ་བ་དང་། སེམས་ཅན་ཐམས་ཅད་ཡོངས་སུ་
D10.029.0168b04.01མི་གཏང་བ་དང་། སྙིང་རྗེ་ཆེན་པོ་མངོན་དུ་བྱ་བ་དང་། བླ་མ་རྣམས་ལ་དད་པས་གུས་ཤིང་སྟོན་པའི་འདུ་ཤེས་ཀྱིས་སྲི་ཞུ་ཆེ་བ་དང་། ཕ་རོལ་ཏུ་ཕྱིན་པ་རྣམས་བརྩོན་པས་ཡོངས་སུ་ཚོལ་བ་སྟེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ས་གཉིས་པ་ལ་གནས་པས་
D10.029.0168b05.01ཆོས་བརྒྱད་པོ་དེ་དག་རྟག་ཏུ་ཡིད་ལ་བྱ་ཞིང་དེ་དག་ལ་ནན་ཏན་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ས་གསུམ་པ་ལ་གནས་པས་ཆོས་ལྔ་ལ་གནས་པར་བྱའོ། །ལྔ་གང་ཞེ་ན། འདི་ལྟ་སྟེ། མང་དུ་ཐོས་པས་ཆོག་མི་ཤེས་ཤིང་། དེ་
D10.029.0168b06.01ལ་ཡང་ཡི་གེ་ལ་མངོན་པར་ཞེན་པར་མི་བྱ་བ་དང་། ཟང་ཟིང་མེད་པར་ཆོས་ཀྱི་སྦྱིན་པ་རྣམ་པར་འགྲེལ་བར་བྱེད་ལ། དེས་ཀྱང་རློམ་སེམས་སུ་མི་བྱེད་པ་དང་སངས་རྒྱས་ཀྱི་ཞིང་ཡོངས་སུ་དག་པར་བྱ་བའི་དགེ་བའི་རྩ་བ་བསྐྱེད་ཅིང་། ཡོངས་སུ་བསྔོ་ལ་དེས་ཀྱང་རློམ་སེམས་
D10.029.0168b07.01