完整藏文原文 · 德格版页 当前仅加载第 29 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བགྱིད་དེ། མངོན་པར་ཞེན་པར་མི་བགྱིད་ཅིང་། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ་ཞེས་འདོགས་པར་མི་བགྱིད་ལགས་སོ། །དེའི་ཚེ་ནང་སྟོང་པ་ཉིད་ཁས་མི་ལེན་ཅིང་མི་འཛིན་ལ་གནས་པར་མི་བགྱིད་དེ། མངོན་པར་ཞེན་པར་མི་བགྱིད་ཅིང་འདི་ནི་ནང་སྟོང་པ་ཉིད་དོ་ཞེས་
D10.029.0224b01.01འདོགས་པར་མི་བགྱིད་ལགས་སོ། །དེ་བཞིན་དུ་དེའི་ཚེ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཁས་མི་ལེན་ཅིང་། །མི་འཛིན་ལ་གནས་པར་མི་བགྱིད་དེ། །མངོན་པར་ཞེན་པར་མི་བགྱིད་ཅིང་། འདི་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ་ཞེས་འདོགས་པར་མི་
D10.029.0224b02.01བགྱིད་ལགས་སོ། །བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། །དྲན་པ་ཉེ་བར་གཞག་པ་རྣམས་ཁས་མི་ལེན་ཅིང་། མི་འཛིན་ལ་གནས་པར་མི་བགྱིད་དེ། མངོན་པར་ཞེན་པར་མི་བགྱིད་ཅིང་འདི་ནི་
D10.029.0224b03.01དྲན་པ་ཉེ་བར་གཞག་པ་རྣམས་སོ་ཞེས་འདོགས་པར་མི་བགྱིད་ལགས་སོ། །དེ་བཞིན་དུ་བྱང་ཆུབ་སེམས་དཔའ་དེའི་ཚེ། ཡང་དག་པར་སྤོང་བ་རྣམས་དང་། །རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་
D10.029.0224b04.01དང་། འཕགས་པའི་ལམ་ཡན་ལག་བརྒྱད་པ་དང་། སྟོབས་བཅུ་དང་། མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་དང་། །སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཁས་མི་ལེན་ཅིང་། མི་འཛིན་ལ་གནས་པར་མི་བགྱིད་དེ། མངོན་པར་ཞེན་
D10.029.0224b05.01པར་མི་བགྱིད་ཅིང་། འདི་དག་ནི་སངས་རྒྱས་ཀྱི་ཆོས་རྣམས་སོ་ཞེས་འདོགས་པར་མི་བགྱིད་ལགས་སོ། །བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཏིང་ངེ་འཛིན་གྱི་སྒོ་ཐམས་ཅད་དང་། གཟུངས་
D10.029.0224b06.01ཀྱི་སྒོ་ཐམས་ཅད་ཁས་མི་ལེན་ཅིང་། མི་འཛིན་ལ་གནས་པར་མི་བགྱིད་དེ། མངོན་པར་ཞེན་པར་མི་བགྱིད་ཅིང་། །འདི་དག་ནི་ཏིང་ངེ་འཛིན་དང་། གཟུངས་ཀྱི་སྒོ་རྣམས་སོ་ཞེས་འདོགས་པར་མི་བགྱིད་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བྱང་ཆུབ་
D10.029.0224b07.01