完整藏文原文 · 德格版页 当前仅加载第 29 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་དག་གིས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་རྟག་ཅེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་ཡིན་ནོ། །
D10.029.0101b01.01རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་གཟུགས་ལ་སྡུག་བསྔལ་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །ཚོར་བ་དང་། འདུ་ཤེས་
D10.029.0101b02.01དང་། འདུ་བྱེད་རྣམས་དང་། རྣམ་པར་ཤེས་པ་ལ་སྡུག་བསྔལ་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་གཟུགས་ལ་བདག་མེད་ཅེས་
D10.029.0101b03.01བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་མེད་ཅེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་
D10.029.0101b04.01མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་གཟུགས་ལ་ཞི་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཞི་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །རབ་འབྱོར་གཞན་ཡང་བྱང་
D10.029.0101b05.01ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་གཟུགས་ལ་སྟོང་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D10.029.0101b06.01རྣམ་པར་ཤེས་པ་ལ་སྟོང་ཞེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །གཟུགས་ལ་མཚན་མ་མེད་ཅེས་བྱ་བར་སོ་སོར་རྟོག་སྟེ། དེ་ཡང་མི་དམིགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མཚན་མ་མེད་ཅེས་བྱ་བར་སོ་སོར་
D10.029.0101b07.01