完整藏文原文 · 德格版页 当前仅加载第 31 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཐ་དད་པར་མཐོང་མོད་ཀྱི། ཆོས་ཐམས་ཅད་ལ་དངོས་པོར་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་རྫུ་འཕྲུལ་གྱིས་ནམ་མཁའ་ལ་འགྲོ་ཡང་དེ་ལ་ནམ་མཁའོ་སྙམ་དུ་མངོན་
D11.031.0019a01.01པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་རྣམ་པར་དཔྱད་ན། ཆོས་དེ་དག་ཐམས་ཅད་ཉིད་ལ་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་བྲག་ཅའི་སྒྲ་ཐོས་ན་སྒྲ་ཡིན་ནོ་སྙམ་དུ་མངོན་པར་
D11.031.0019a02.01ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཐ་དད་པར་མཐོང་མོད་ཀྱི་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་དྲི་ཟའི་གྲོང་ཁྱེར་མཐོང་ན་དེ་དེ་ལ་གྲོང་ཁྱེར་ཡིན་ནོ་སྙམ་དུ་མངོན་པར་ཞེན་པར་མི་
D11.031.0019a03.01བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཐ་དད་པར་མཐོང་མོད་ཀྱི་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་མེ་ལོང་གི་ནང་དུ་བཞིན་གྱི་གཟུགས་བརྙན་མཐོང་ན་འདི་བཞིན་ཡིན་ནོ་སྙམ་དུ་མངོན་པར་ཞེན་
D11.031.0019a04.01པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མཐོང་མོད་ཀྱི། ཆོས་དེ་དག་
D11.031.0019a05.01ལ་མངོན་པར་ཞེན་པར་མི་བྱེད་དོ། །ཆོས་རྣམས་ལ་མངོན་པར་མ་ཞེན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ།།ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཆོས་ཐམས་ཅད་ཀྱི་ལེའུ་
D11.031.0019a06.01ཞེས་བྱ་སྟེ་གཉིས་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའི་མངོན་པར་ཞེན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་བྱང་ཆུབ་སེམས་དཔའ་ཆོས་
D11.031.0019a07.01