完整藏文原文 · 德格版页 当前仅加载第 31 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་སྦྱིན་ཞིང་། དེ་དག་ཉན་ཐོས་དང་། རང་སངས་རྒྱས་ཀྱིས་ཡིད་ལ་མི་བྱེད་པར་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། ཡོངས་སུ་སྔོ་བ་འདི་ནི་བྱང་ཆུབ་
D11.031.0086b01.01སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པ་སྦྱིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་
D11.031.0086b02.01བྱ་བདག་གིས་སྦྱིན་ཞིང་། སེམས་ཅན་ཐམས་ཅད་དང་ཐུན་མོང་དུ་བྱེད་ལ། ཆོས་དེ་དག་ལ་བཟོད་པ་དང་། འདོད་པ་དང་། ཡིད་ཆེས་པ་འདི་དག་ནི་བཟོད་པའི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ། །ཞེས་བྱ་བའི་བར་དུ་དེ་བཞིན་དུ་སྦྱར་རོ། །དེ་བཞིན་དུ་སྦྱིན་པ་སྦྱིན་པའི་བར་གྱི་བརྩོན་འགྲུས་
D11.031.0086b03.01ཀྱི་བརྩོན་པ་མི་གཏོང་ཞིང་མི་འདོར་ལ། རབ་ཏུ་འཛིན་པ་འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་གོ་ཆའོ། །དེ་བཞིན་དུ་སྦྱིན་པ་སྦྱིན་པ་ན། སེམས་ཅན་ཐམས་ཅད་ཡིད་ལ་བྱས་ནས། ཉན་ཐོས་དང་། རང་སངས་རྒྱས་ཀྱི་སེམས་ཀྱི་གོ་སྐབས་མི་འབྱེད་པར་འདི་ལྟ་སྟེ། ཐམས་
D11.031.0086b04.01ཅད་མཁྱེན་པ་ཉིད་དུ་སེམས་རྩེ་གཅིག་པ་ཉིད་འདི་ནི། བསམ་གཏན་གྱི་ཕ་རོལ་ཏུ་ཕྱིན་པའི་གོ་ཆའོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། སྒྱུ་མའི་རྣམ་པའི་འདུ་ཤེས་ཉེ་བར་གནས་ཤིང་། དེས་སྦྱིན་པར་བྱེད་པ་ཡང་
D11.031.0086b05.01མི་དམིགས། སྦྱིན་པ་ཡང་མ་ཡིན། ལེན་པར་བྱེད་པ་ཡང་མ་ཡིན་ལ། སྦྱིན་པ་ཡང་སྦྱིན་པར་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྦྱིན་པ་སྦྱིན་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་གོ་ཆའོ། །ཤ་ར་དྭ་ཏིའི་བུ་བྱང་ཆུབ་
D11.031.0086b06.01སེམས་དཔའ་སེམས་དཔའ་ཆེན་པོ་གང་གི་ཚེ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་ཕ་རོལ་ཏུ་ཕྱིན་པ་དྲུག་པོ་དེ་དག་ལ་མཚན་མར་མི་བྱེད་ཅིང་དམིགས་པར་ཡང་མི་བྱེད་པ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །ཤ་ར་
D11.031.0086b07.01