完整藏文原文 · 德格版页 当前仅加载第 31 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
ངུ་སྲུབ་པར་རབ་ཏུ་ཤེས་སོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དྲན་བཞིན་དུ་དབུགས་བརྔུབས་ཅིང་། དྲན་བཞིན་དུ་དབུགས་འབྱིན་ཏེ། དེས་དབུགས་རིང་དུ་བརྔུབས་ན་ཡང་དབུགས་རིང་དུ་བརྔུབས་པར་རབ་ཏུ་ཤེས་སོ། །
D11.031.0080a01.01དབུགས་རིང་དུ་ཕྱུང་ན་ཡང་དབུགས་རིང་དུ་ཕྱུང་བར་རབ་ཏུ་ཤེས་སོ། །དབུགས་ཐུང་ངུ་བརྔུབས་ན་ཡང་དབུགས་ཐུང་ངུ་བརྔུབས་པར་རབ་ཏུ་ཤེས་སོ། །དབུགས་ཐུང་ངུ་ཕྱུང་ན་ཡང་དབུགས་ཐུང་ངུ་ཕྱུང་བར་རབ་ཏུ་ཤེས་སོ། །ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་
D11.031.0080a02.01པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་ལ་
D11.031.0080a03.01ཁམས་ཀྱིས་སོ་སོར་རྟོག་པར་བྱེད་དེ། ལུས་འདི་ལ་ནི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཡོད་དོ་སྙམ་དུ་རྟོག་གོ། །ཤ་ར་དྭ་ཏིའི་བུ་དཔེར་ན་བ་ལང་གསོད་པ་ལ་མཁས་པའམ། བ་ལང་གསོད་པའི་སློབ་མ་མཁས་པས་མཚོན་རྣོན་པོས་བ་ལང་
D11.031.0080a04.01བསད་ནས། བག་བཞིར་གཤགས་ཏེ་གཟུགས་བཞིར་ཕྱེ་ནས་འགྲེང་ངམ་འདུག་སྟེ། སོ་སོར་རྟོག་པ་དེ་བཞིན་དུ། ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡང་ལུས་འདི་ཉིད་ལ་ཁམས་ཀྱིས་སོ་སོར་རྟོག་པར་བྱེད་དེ། ལུས་
D11.031.0080a05.01འདི་ལ་ནི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཡོད་དོ་སྙམ་དུ་རྟོག་སྟེ། ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་
D11.031.0080a06.01ཡིན་ཏེ། དེ་ཡང་མི་དམིགས་པའི་ཚུལ་གྱིས་གནས་སོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་རྐང་པའི་མཐིལ་ཡན་ཆད་སྐྲ་དང་མགོ་བོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་ནི་སྐྲ་དང་སྤུ་དང་། སེན་མོ་དང་། པགས་
D11.031.0080a07.01