完整藏文原文 · 德格版页 当前仅加载第 31 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། པགས་ཤུན་དང་། ཤ་དང་རྒྱུས་པ་དང་། རུས་པ་དང་། རྐང་དང་། མཁལ་མ་དང་། སྙིང་དང་། མཚེར་བ་དང་། གློ་བ་དང་། མཆིན་པ་དང་། སུལ་{མངས་,མང་}དང་། རྒྱུ་མ་དང་། གཉེ་མ་དང་། གཞང་དང་། ལྒང་བ་དང་། ཕྱི་ས་དང་། མཆི་མ་དང་། རྔུལ་དང་། ཚིལ་
D11.031.0080b01.01དང་། མཆིལ་མ་དང་། སྣབས་དང་། རྣག་དང་། ཁྲག་དང་། མཁྲིས་པ་དང་། བད་ཀན་དང་། ཞག་དང་། ཆུ་སེར་དང་། དྲི་མ་དང་། གཅིན་དང་། ཀླད་པ་དང་། ཀླད་རྒྱས་དག་ཡོད་དོ་སྙམ་དུ་སོ་སོར་རྟོག་སྟེ། ཤ་ར་དྭ་ཏིའི་བུ་དཔེར་ན་ཁྱིམ་བདག་ཞིང་པའི་སྤྱང་འབྲུའི་རྣམ་པ་
D11.031.0080b02.01སྣ་ཚོགས་འདི་ལྟ་སྟེ། ཏིལ་དང་། འབྲས་ཐུག་པོ་ཆེ་དང་། མོན་སྲན་སྡེའུ་དང་། མོན་སྲན་ན་གུ་དང་། ནས་དང་། གྲོ་དང་། སྲན་ཆུང་དང་། འབྲས་སཱ་ལུ་དང་། འབྲུ་དང་། ཡུངས་འབྲུ་དག་གིས་གང་བ་སྒོ་དྲུང་གཉིས་སུ་བཞག་པ་ལ་སྐྱེས་བུ་མིག་དང་ལྡན་པས་མཐོང་ན། འདི་དག་
D11.031.0080b03.01ནི་ཏིལ་ཡིན་ནོ། །འདི་དག་འབྲས་ཐུག་པོ་ཆེ་ཡིན་ནོ། །འདི་དག་ནི་མོན་སྲན་སྡེའུ་ཡིན་ནོ། །འདི་དག་ནི་མོན་སྲན་ན་གུ་ཡིན་ནོ། །འདི་དག་ནི་ནས་ཡིན་ནོ། །འདི་དག་ནི་གྲོ་ཡིན་ནོ། །འདི་དག་ནི་སྲན་ཆུང་ཡིན་ནོ། །འདི་དག་ནི་འབྲས་སཱ་ལུ་ཡིན་ནོ། །འདི་དག་ནི་འབྲུ་ཡིན་ནོ། །འདི་དག་
D11.031.0080b04.01ནི་ཡུངས་ཀར་ཡིན་ནོ་སྙམ་དུ་ཤེས་སོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ལུས་འདི་ཉིད་ལ་རྐང་པའི་མཐིལ་ཡན་ཆད་སྐྲ་དང་མགོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་ནི་སྐྲ་དང་། སྤུ་དང་། དེ་བཞིན་དུ་སྦྱར་ཏེ།
D11.031.0080b05.01ཀླད་པ་དང་། ཀླད་རྒྱས་ཀྱི་བར་དག་ཡོད་དོ་སྙམ་དུ་སོ་སོར་རྟོག་གོ། །ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསྩལ་ནས། ནང་གི་ལུས་ལ་ལུས་
D11.031.0080b06.01ཀྱི་རྗེས་སུ་ལྟ་ཞིང་གནས་ཏེ། དེ་ཡང་མི་དམིགས་པའི་ཚུལ་དུ་སྟེ། ཤ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྐྱོན་མེད་པ་ཡིན་ནོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་
D11.031.0080b07.01