完整藏文原文 · 德格版页 当前仅加载第 43 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྙིང་པོར་འགྲོ་བར་འགྱུར་བའི་བྱང་ཆུབ་སེམས་དཔའ་རྣམས་ཀྱི་ལམ་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཡོངས་སུ་དག་པ་ཡིན་ཏེ། བཞི་གང་ཞེ་ན། སྡོམ་པ་གསུམ་ཡོངས་སུ་དག་པ་དང་། གནས་
D65.043.0028a01.01ཡོངས་སུ་དག་པ་དང་། ཤེས་པ་ཡོངས་སུ་དག་པ་དང་། སྐྱེ་བ་ཡོངས་སུ་དག་པ་སྟེ། བཞི་པོ་དེ་དག་ཡིན་ནོ། །བཟང་པོ་བཞི་པོ་འདི་དག་ནི་གང་ལ་ཉན་ཐོས་དང་། རང་སངས་རྒྱས་ཐམས་ཅད་ཀྱིས་གཏིང་མི་དཔོགས་པའི་བྱང་ཆུབ་སེམས་དཔའ་རྣམས་ཀྱི་ཆོས་
D65.043.0028a02.01ཡིན་ཏེ། བཞི་གང་ཞེ་ན། བསམ་གཏན་ཟློག་པ་དང་། སེམས་ཀྱིས་རྣམ་པར་འབྱེད་པ་དང་། སེམས་ཅན་རྣམས་ལ་སྙིང་རྗེ་ཆེ་བ་དང་། སྤོབས་པ་དང་། སྐད་སྣ་ཚོགས་པ་ཉིད་དེ། བཞི་པོ་དེ་དག་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་
D65.043.0028a03.01དཔའ་རྣམས་ཀྱི་འཕགས་པའི་སྤྱོད་པ་ཡིན་ཏེ། བཞི་གང་ཞེ་ན། དགོན་པ་ན་གནས་པ་དང་། འདུ་འཛི་ལ་མི་དགའ་བ་དང་། དེ་ན་གནས་ན་སེམས་ཅན་རྣམས་ལ་བྱམས་པ་དང་། འདུ་བྱེད་རྣམས་གང་ནས་ཀྱང་མི་འོང་། གང་དུ་ཡང་མི་འགྲོ་བར་ཤེས་པ་
D65.043.0028a04.01སྟེ་བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་སྲི་ཞུ་ཆེ་ཞིང་གུས་པ་ལ་གནས་པ་ཞེས་བརྗོད་པར་བྱ་སྟེ། བཞི་གང་ཞེ་ན། བྱང་ཆུབ་སེམས་དཔའ་ལུས་དང་སྲོག་ལ་མི་ལྟ་བ་དང་། སེམས་རྟག་ཏུ་དགའ་བ་དང་། ང་རྒྱལ་དང་།
D65.043.0028a05.01དྲེགས་པ་སྤང་བ་དང་། ཇི་སྐད་སྨྲས་པ་དེ་བཞིན་དུ་སྒྲུབ་པ་སྟེ། བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་སྤྱོད་ལམ་ཕུན་སུམ་ཚོགས་པ་ཡིན་ཏེ། བཞི་གང་ཞེ་ན། དུས་ཤེས་པ་དང་། ཚོད་ཤེས་པ་དང་། རབ་ཏུ་
D65.043.0028a06.01དབེན་པ་དང་། ཡང་དག་པ་ཉིད་དེ་བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཐེ་ཚོམ་མེད་པ་ཡིན་ཏེ། བཞི་གང་ཞེ་ན། འགྱོད་པ་ཀུན་ནས་ལྡང་བ་རྣམ་པར་གནོན་པ་དང་། མཁས་པ་དང་ཤེས་རབ་ཆེན་པོ་ལ་བསྙེན་བཀུར་
D65.043.0028a07.01