完整藏文原文 · 德格版页 当前仅加载第 43 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཤེས་ཀྱི་ཁེ་ལས་འབྱོལ་ཞིང་ཟང་ཟིང་མེད་པར་ཆོས་སྟོན་པ་ཡང་ཡིན་ཏེ། བཞི་གང་ཞེ་ན། འཁོར་བ་ལས་འཇིགས་པ་སྐྱེད་པ་དང་། འཇིག་རྟེན་གྱི་ཟང་ཟིང་དང་འདུ་འཛི་དོན་
D65.043.0029a01.01དུ་མི་གཉེར་བ་དང་། ཕ་རོལ་རྗེས་སུ་སྲུང་བ་དང་། འཕགས་པའི་རིགས་ལ་གནས་པ་སྟེ། བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་བྱས་པ་གཟོ་བ་དང་། བྱས་པ་ཚོར་བ་དང་། བྱས་པ་ལ་ལན་དུ་ཕན་འདོགས་པ་ཡིན་ཏེ། བཞི་
D65.043.0029a02.01གང་ཞེ་ན། གཞན་བྱང་ཆུབ་ཡང་དག་པར་ལེན་དུ་འཇུག་པ་དང་། ལས་བྱས་པ་ཆུད་མི་གཟོན་པ་དང་། བདག་ཉིད་ལ་བྱམས་པ་ལྟར་གཞན་ལ་ཡང་བྱམས་པ་དང་། སྐྱེས་བུ་དམ་པའི་རྩལ་དོན་དུ་གཉེར་བ་སྟེ། བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་
D65.043.0029a03.01དཔའ་ཆོས་བཞི་དང་ལྡན་ན་སེམས་ཅན་རྣམས་ལ་མཛའ་བཤེས་མི་ཕྱེད་པར་འགྱུར་ཏེ། བཞི་གང་ཞེ་ན། བཟོད་པའི་སྟོབས་ཀྱི་གོ་བགོས་པ་དང་། ལན་དུ་ཕན་འདོགས་པར་ཅུང་ཟད་ཀྱང་རེ་བ་མེད་པ་དང་། སྙིང་རྗེ་ཆེན་པོ་མི་འདོར་བ་དང་། ལོག་པར་ཞུགས་པ་
D65.043.0029a04.01རྣམས་མི་སྤོང་བ་སྟེ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སེམས་ཅན་རྣམས་ལ་མཛའ་བཤེས་མི་ཕྱེད་པར་འགྱུར་རོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་དཔས་བསྟེན་པར་བྱ་བའི་གྲོགས་པོ་ཡིན་ཏེ། བཞི་གང་ཞེ་ན། སྦྱོར་བ་ཕུན་སུམ་
D65.043.0029a05.01ཚོགས་པ་དང་། བསམ་པ་ཕུན་སུམ་ཚོགས་པ་དང་། སྤྱོད་པ་ཕུན་སུམ་ཚོགས་པ་དང་། གང་དག་འདིའི་བྱང་ཆུབ་ཉེ་བར་སྟོན་པར་བྱེད་པ་སྟེ། བཞི་པོ་དེ་དག་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མི་དགེ་བའི་གྲོགས་པོ་
D65.043.0029a06.01ཡིན་པར་རིག་པར་བྱ་སྟེ། བཞི་གང་ཞེ་ན། ཐེག་པ་དམན་པ་སྟོན་པ་དང་། བྱང་ཆུབ་ཀྱི་སེམས་ལ་འདུན་པ་ཟློག་པར་བྱེད་པ་དང་། གང་དག་བསྟེན་ན་མི་དགེ་བའི་ཆོས་འཕེལ་བར་འགྱུར་བ་དང་། དགེ་བའི་ཆོས་རྣམས་ཡོངས་སུ་ཉམས་པར་འགྱུར་བ་སྟེ།
D65.043.0029a07.01