完整藏文原文 · 德格版页 当前仅加载第 43 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་ཆོས་བཞི་དང་ལྡན་ན་བཟོད་པ་འཐོབ་པར་འགྱུར་ཏེ། བཞི་གང་ཞེ་ན། མོས་པ་དང་། ཕྱིར་མི་ལྡོག་པ་དང་། ཚོགས་པ་དང་། ཡོངས་སུ་མི་སྐྱོ་བ་སྟེ། བཞི་པོ་དེ་དག་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་
D65.043.0032a01.01དང་ལྡན་ན་སྤོབས་པ་དག་པ་འཐོབ་པར་འགྱུར་ཏེ། བཞི་གང་ཞེ་ན། ཆོས་སྨྲ་བ་གཞན་དག་གིས་བཤད་པ་དང་འགལ་བར་མི་བྱེད་པ་དང་། ཆོས་སྨྲ་བ་ལ་གུས་པ་དང་བཅས་ཤིང་ཞེ་ས་དང་བཅས་པར་ཆོས་ཉན་པ་དང་། ཐོས་པས་ཁེངས་པ་མེད་པ་དང་། ཐོས་པ་ཉུང་ངུ་
D65.043.0032a02.01རྣམས་ལ་བརྙས་པར་མི་བྱེད་པ་སྟེ་བཞི་པོ་དེ་དག་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྒྱུར་བ་སྟེ། བཞི་གང་ཞེ་ན། འདོད་ཆགས་དང་། ཞེ་སྡང་དང་། གཏི་མུག་སྒྱུར་བ་དང་། ཉན་ཐོས་ལས་སྒྱུར་བ་དང་། རང་སངས་རྒྱས་ལས་སྒྱུར་བ་དང་།
D65.043.0032a03.01དགེ་བའི་རྩ་བའི་ཆོས་ལ་འདུ་ཤེས་སྒྱུར་བ་སྟེ། བཞི་པོ་དེ་དག་ཡིན་ནོ། །བཟང་པོ་ཆོས་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དོན་ཟབ་མོ་ལ་སྦྱོར་བ་ཡིན་ཏེ། བཞི་གང་ཞེ་ན། རྟེན་ཅིང་འབྲེལ་པར་འབྱུང་བར་རྟོགས་པར་བྱེད་པ་དང་། དགོངས་པ་རྟོགས་པར་བྱེད་
D65.043.0032a04.01པ་དང་། བདག་གི་ངོ་བོ་ཉིད་རྟོགས་པར་བྱེད་པ་དང་། འདི་ལྟར་སྟོང་པའི་དོན་དུ་ཆོས་དེ་དག་ཐམས་ཅད་དོན་གཅིག་པར་རྟོགས་པར་བྱེད་པ་སྟེ། བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དོན་ཟབ་མོ་ལ་སྦྱོར་བ་ཡིན་ནོ། །བཟང་པོ་བྱང་ཆུབ་སེམས་དཔའ་ཆོས་བཞི་
D65.043.0032a05.01དང་ལྡན་ན་སྨོན་ལམ་འགྲུབ་པར་འགྱུར་ཏེ། བཞི་གང་ཞེ་ན། ཚུལ་ཁྲིམས་དང་བསླབ་པ་ཡོངས་སུ་དག་པ་དང་། ལས་ཀྱི་སྒྲིབ་པ་རྣམ་པར་སྦྱོང་བ་དང་། གཡོ་སྒྱུ་མེད་པ་དང་། དགེ་བའི་རྩ་བ་བསྐྱེད་པ་ལ་སེམས་དབང་བྱེད་པ་སྟེ། བཞི་པོ་དེ་དག་ནི་བྱང་ཆུབ་སེམས་
D65.043.0032a06.01དཔའ་རྣམས་ཀྱི་སྨོན་ལམ་འགྲུབ་པར་འགྱུར་བའོ། །བཟང་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཕ་རོལ་ཏུ་ཕྱིན་པ་ཐམས་ཅད་ཀྱིས་འཕགས་ཤིང་ཕྱིར་མི་ལྡོག་པའི་ཆོས་ཅན་དུ་འགྱུར་ཏེ། བཞི་གང་ཞེ་ན། ཐབས་མཁས་པ་དང་ལྡན་པས་ཕ་རོལ་ཏུ་ཕྱིན་པ་གཅིག་གི་
D65.043.0032a07.01