完整藏文原文 · 德格版页 当前仅加载第 43 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་བཟང་པོ་ནི་ལྷ་དང་བཅས་པའི་འཇིག་རྟེན་མགོ་རྨོངས་པར་བགྱིད་པ་སྟེ། སྔོན་ཡང་སྒྱུ་མའི་ཆོས་ཉིད་ཀྱིས་མགོ་རྨོངས་པར་བགྱིས་སོ། །ད་ཡང་ཤེས་རབ་དང་། ཡེ་ཤེས་ཀྱིས་མགོ་
D65.043.0034b01.01རྨོངས་པར་བགྱིད་དོ། །དེ་ཅིའི་སླད་དུ་ཞེ་ན། འདིའི་ཤེས་རབ་དང་། ཡེ་ཤེས་ཀྱི་སྤོབས་པ་ནི་དེ་ལྟ་བུ་ལགས་པའི་སླད་དུའོ། །དེ་ནས་བཅོམ་ལྡན་འདས་ཀྱིས་སྒྱུ་མ་མཁན་བཟང་པོ་ལ་འདི་སྐད་ཅེས་བཀའ་སྩལ་ཏོ། །བཟང་པོ་ཁྱོད་ལྷ་དང་བཅས་པའི་འཇིག་རྟེན་མགོ་
D65.043.0034b02.01རྨོངས་པར་བྱེད་པ་བདེན་ནམ། གསོལ་པ། བཅོམ་ལྡན་འདས་ཀྱིས་ཇི་ལྟར་མགོ་རྨོངས་པར་མཛད་པ་དེ་བཞིན་དུ་བདག་ཀྱང་མགོ་རྨོངས་པར་བགྱིད་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟ་སྟེ། བདག་མེད་པ་ཉིད་ཀྱིས་སེམས་ཅན་དུ་ཐ་སྙད་
D65.043.0034b03.01བཏགས་ཏེ་ཆོས་སྟོན་པ་དང་། སྲོག་མེད་པ་དང་། གང་ཟག་མེད་པ་ཉིད་ཀྱིས་གང་ཟག་ཏུ་ཆོས་སྟོན་པ་འདི་ནི་མགོ་རྨོངས་པར་བགྱིད་པ་ཆེན་པོ་ལགས་པའི་སླད་དུའོ། །དེ་བཞིན་གཤེགས་པས་ནི་བྱང་ཆུབ་ཀྱི་སྙིང་པོ་ལ་བཞུགས་ནས་ཆོས་འགའ་ཡང་འཆི་འཕོ་བ་འམ། འགྲོ་
D65.043.0034b04.01བའམ། སྐྱེ་བ་མ་གཟིགས་མོད་ཀྱི། འཆི་འཕོ་བ་དང་། འགྲོ་བ་དང་། སྐྱེ་བའི་ཆོས་སྟོན་པར་ཡང་མཛད་དེ། བཅོམ་ལྡན་འདས་དེ་ལྟ་ལགས་པས་དེ་བཞིན་གཤེགས་པ་ཡང་དག་པར་གསུང་བ་བཀའ་སྩོལ་བ་ལྟར་ལྷ་དང་བཅས་པའི་འཇིག་རྟེན་གྱི་ཡུལ་ག་ལ་ལགས།
D65.043.0034b05.01དེ་ནས་བཅོམ་ལྡན་འདས་ཀྱིས་སྒྱུ་མ་མཁན་བཟང་པོ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །ཁྱོད་ཇི་སྐད་སྨྲ་བ་དེ་ཁོ་ན་བཞིན་ཏེ། འདི་ལྟ་སྟེ་བདག་མེད་པ་ཉིད་ཀྱིས་སེམས་ཅན་དུ་ཐ་སྙད་བཏགས་ཏེ་ཆོས་སྟོན་པ་དང་། སྲོག་མེད་པ་དང་།
D65.043.0034b06.01གང་ཟག་མེད་པ་ཉིད་ཀྱིས་གང་ཟག་ཏུ་ཆོས་སྟོན་པ་འདི་ནི་མགོ་རྨོངས་པ་ཆེན་པོ་ཡིན་ནོ། །དེ་བཞིན་གཤེགས་པས་ནི་བྱང་ཆུབ་ཀྱི་སྙིང་པོ་ལ་བཞུགས་ནས་ཆོས་འགའ་ཡང་འཆི་འཕོ་བ་འམ། འགྲོ་བ་འམ། སྐྱེ་བ་མ་གཟིགས་མོད་ཀྱི། འཆི་འཕོ་བ་དང་། འགྲོ་བ་དང་།
D65.043.0034b07.01