完整藏文原文 · 德格版页 当前仅加载第 43 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མོས་པ་དང་། སངས་རྒྱས་ཀྱི་བྱང་ཆུབ་མི་སྤོང་བ་དང་། ལྟ་བ་བག་ལ་ཉལ་དང་བཅས་པར་ཡང་དག་པར་འཇོམས་པ་སྟེ། བཟང་པོ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བསླབ་པ་ཡོངས་སུ་དག་པ་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་
D65.043.0030a01.01དཔའ་རྣམས་ཀྱི་ཏིང་ངེ་འཛིན་གྱི་རིགས་ཡིན་ཏེ། བཞི་གང་ཞེ་ན། འདུ་འཛི་མེད་པ་དང་། རབ་ཏུ་དབེན་པ་དང་། སེམས་ཀྱི་རྙོག་པ་མེད་པ་དང་། དགེ་བའི་རྩ་བ་ཉེ་བར་སྟོན་པ་སྟེ། བཟང་པོ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རིགས་ཡིན་ནོ། །བཟང་
D65.043.0030a02.01པོ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཚུལ་བཞིན་རབ་ཏུ་སྦྱོར་བ་ཡིན་ཏེ། བཞི་གང་ཞེ་ན། དགེ་བའི་རྩ་བ་སྐྱེས་ནས་བྱང་ཆུབ་ཀྱི་སེམས་མངོན་དུ་བྱེད་པ་དང་། ནང་དུ་ཡང་དག་འཇོག་པ་ལ་སྒྲིབ་པ་མེད་པ་དང་། རྣམ་པར་ཐར་བའི་སྒོ་དག་ལ་འདྲིས་པར་བྱེད་པ་དང་། ངེས་
D65.043.0030a03.01པ་ལ་མི་འཇུག་པ་སྟེ། བཟང་པོ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཚུལ་བཞིན་རབ་ཏུ་སྦྱོར་བ་ཡིན་ནོ། །བཟང་པོ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཚུལ་བཞིན་མ་ཡིན་པའི་སེམས་སྐྱེ་བ་བཟློག་པར་བྱ་བ་ཡིན་ཏེ། བཞི་གང་ཞེ་ན། འཁོར་བའི་
D65.043.0030a04.01འཇིགས་པས་སྐྲག་པ་དང་། རྣལ་འབྱོར་སྤྱོད་པ་དག་ལ་མ་མོས་པ་དང་། དགོངས་པ་དག་ལ་མི་དགའ་བ་དང་། དགེ་བའི་རྩ་བ་རྣམས་མངོན་པར་འདུ་མི་བྱེད་པ་སྟེ། བཟང་པོ་བཞི་པོ་དེ་དག་ནི་ཚུལ་བཞིན་མ་ཡིན་པའི་སེམས་སྐྱེ་བ་བཟློག་པར་བྱ་བ་ཡིན་ནོ། །བཟང་པོ་བཞི་པོ་འདི་དག་
D65.043.0030a05.01ནི་བྱང་ཆུབ་སེམས་དཔའ་རྣམས་ཀྱི་སེམས་ཀྱིས་ངེས་པར་བསམ་པ་ཡིན་ཏེ། བཞི་གང་ཞེ་ན། སེམས་ཅན་འགའི་དོན་གྱི་ཕྱིར་ཡང་བསྐལ་པ་ཕྱི་མའི་མཐར་ཐུག་པར་འཁོར་བ་ན་འཁོར་བར་བྱའོ་སྙམ་པ་འདི་ནི་སེམས་ཀྱིས་ངེས་པར་བསམ་པ་དང་པོ་ཡིན་ནོ། །བདག་གིས་སེམས་ཅན་ཐམས་
D65.043.0030a06.01ཅད་ཀྱི་སེམས་ཀྱི་སྤྱོད་པ་རྣམས་ཤེས་པར་བྱ་ཞིང་དེ་དག་གི་ཉོན་མོངས་པ་རབ་ཏུ་ཞི་བར་བྱ་བ་དང་། དབང་པོ་མཆོག་དང་མཆོག་མ་ཡིན་པ་ཤེས་པར་བྱ་བའི་ཕྱིར་ཆོས་བསྟན་པར་བྱའོ་སྙམ་པ་འདི་ནི་སེམས་ཀྱིས་ངེས་པར་བསམ་པ་གཉིས་པ་ཡིན་ནོ། །བདག་གིས་མི་དགེ་བའི་
D65.043.0030a07.01