完整藏文原文 · 德格版页 当前仅加载第 46 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་མོ། །བདག་གི་མཐའ་གང་དང་མཉམ་པ་དེ་དང་ཡང་དག་པའི་མཐའ་མཉམ་མོ། །ཡང་དག་པའི་མཐའ་གང་དང་མཉམ་པ་དེ་དང་མ་རིག་པ་དང་། སྲིད་པ་དང་། སྲེད་པའི་མཐའ་མཉམ་མོ། །མ་རིག་པ་དང་། སྲིད་པ་དང་། སྲེད་པའི་མཐའ་གང་དང་མཉམ་པ་དེ་དང་རིག་པ་དང་། རྣམ་པར་
D97.046.0245b01.01གྲོལ་བའི་མཐའ་མཉམ་མོ། རིག་པ་དང་། རྣམ་པར་གྲོལ་བའི་མཐའ་གང་དང་མཉམ་པ་དེ་དང་འདོད་ཆགས་དང་། ཞེ་སྡང་དང་། གཏི་མུག་གི་མཐའ་མཉམ་མོ། །འདོད་ཆགས་དང་། ཞེ་སྡང་དང་། གཏི་མུག་གི་མཐའ་གང་དང་མཉམ་པ་དེ་དང་སྟོང་པ་ཉིད་དང་། མཚན་མ་མེད་པ་
D97.046.0245b02.01དང་སྨོན་པ་མེད་པའི་མཐའ་མཉམ་མོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་མཐའ་གང་དང་མཉམ་པ་དེ་དང་འདུས་བྱས་ཀྱི་མཐའ་མཉམ་མོ། །འདུས་བྱས་ཀྱི་མཐའ་གང་དང་མཉམ་པ་དེ་དང་། འདུས་མ་བྱས་ཀྱི་མཐའ་མཉམ་མོ། །འདུས་མ་བྱས་ཀྱི་མཐའ་གང་དང་
D97.046.0245b03.01མཉམ་པ་དེ་དང་འཇམ་དཔལ་གཞོན་ནུར་གྱུར་པ་མཉམ་སྟེ། ལྷའི་བུ་མཉམ་པ་ཉིད་དེས་ཆོས་ཐམས་ཅད་མཉམ་མོ། །དེ་ལ་སུ་འཆད་པ་དང་། གང་བཤད་པ་དང་། གང་ལ་བཤད་པ་དང་། སུ་ལ་ལེགས་སོ་ཞེས་བྱ་བ་སྦྱིན་པའི་ཆོས་དེ་དག་ཐམས་ཅད་ནམ་མཁའ་དང་མཉམ་པ་ཉིད་ཀྱིས་
D97.046.0245b04.01མཉམ་སྟེ། ནམ་མཁའ་ཡང་འདུས་མ་བྱས་ཡིན་པས་ནམ་མཁའ་ནི་མཉམ་པ་ཡང་མེད། མི་མཉམ་པ་ཡང་མེད་དེ། སུ་རྗེས་སུ་མི་འགྲོ་བའི་ཚུལ་གྱིས་མཉམ་པ་ཉིད་འདི་དག་གི་རྗེས་སུ་སོང་བ་དེ་ལ་དེ་བཞིན་གཤེགས་པས་ལེགས་སོ་ཞེས་བྱ་བ་གནང་ངོ་། །ལྷའི་བུས་སྨྲས་པ། འཇམ་དཔལ་
D97.046.0245b05.01ཁྱོད་ལེགས་སོ་ཞེས་བྱ་བ་དང་ལེགས་སོ་ཞེས་བྱ་བ་མ་ཡིན་པ་ལས་བརྩམས་ཏེ་ཆོས་བསྟན་པ་ལ་སྤོབས་པར་གྱིས་ཤིག །འཇམ་དཔལ་གྱིས་སྨྲས་པ། ལྷའི་བུ་ལྷག་པའི་བསམ་པས་བྱང་ཆུབ་ཀྱི་ཕྱིར་འཇུག་པ་ནི་ལེགས་པའོ། །གཡོ་དང་སྒྱུས་ཉེ་བར་སྤྱོད་པ་ནི་ལེགས་པ་མ་ཡིན་པའོ། །སྙིང་རྗེ་ཆེན་
D97.046.0245b06.01པོས་སེམས་ཅན་ཐམས་ཅད་མི་གཏོང་བ་ནི་ལེགས་པའོ། །སེམས་ཅན་རྣམས་ལ་རྣམ་པར་འཚེ་བ་ནི་ལེགས་པ་མ་ཡིན་པའོ། །སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་ནི་ལེགས་པའོ། །གནོད་སེམས་ཀྱི་བསམ་པ་ནི་ལེགས་པ་མ་ཡིན་པའོ། །ཉེས་པ་བྱུང་བ་མི་འཆབ་ཅིང་འཆགས་
D97.046.0245b07.01