完整藏文原文 · 德格版页 当前仅加载第 46 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། འཇམ་དཔལ་ཁྱོད་ཅི་ལེགས་སོ་ཞེས་བྱ་བའི་ཆོས་ལ་བརྩོན་ནམ། འོན་ཏེ་ལེགས་པ་མ་ཡིན་ཞེས་བྱ་བའི་ཆོས་ལ་བརྩོན། འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་ལེགས་སོ་ཞེས་བྱ་བའི་ཆོས་ལ་བརྩོན་པ་ཡང་མ་ཡིན། ལེགས་པ་མ་ཡིན་པ་ཞེས་བྱ་
D97.046.0247a01.01བའི་ཆོས་ལ་བརྩོན་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། ལྷའི་བུ་ཁོ་བོ་ནི་ཆོས་ཐམས་ཅད་ལ་བརྩོན་པ་མ་ཡིན་ནོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་དགེ་བའི་ཆོས་ལ་མི་བརྩོན་ནམ། འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་དགེ་བའི་ཆོས་ལ་བརྩོན་པ་ཡང་མ་ཡིན། །
D97.046.0247a02.01མི་དགེ་བའི་ཆོས་ལ་བརྩོན་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། ལྷའི་བུ་དགེ་བ་ཞེས་བྱ་བ་འདི་ཡང་འདུས་བྱས་སོ། །མི་དགེ་བ་ཞེས་བྱ་བ་འདི་ཡང་འདུས་བྱས་སོ། །མི་གཡོ་བ་ཞེས་བྱ་བ་འདི་ཡང་འདུས་བྱས་སོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་འདུས་མ་བྱས་པའམ།
D97.046.0247a03.01འཇམ་དཔལ་གྱིས་སྨྲས་པ། ལྷའི་བུ་གལ་ཏེ་འདུས་བྱས་ཀྱིས་སྐྲག་པ་ལྟ་ན་ནི་ཁོ་བོ་འདུས་མ་བྱས་སུ་འགྱུར་རོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་འདུས་བྱས་ཀྱིས་མི་སྐྲག་གམ། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་ཡང་དག་པར་འདུས་བྱས་ཀྱིས་ཡོངས་སུ་གྲུབ་པ་
D97.046.0247a04.01ཞིག་མཐོང་ན་ནི་ཁོ་བོ་འདུས་བྱས་ཀྱིས་སྐྲག་པར་འགྱུར་རོ། །ལྷའི་བུས་སྨྲས་པ། འཇམ་དཔལ་ཅི་ཁྱོད་ཀྱིས་ཡང་དག་པར་འདུས་བྱས་ཀྱིས་ཡོངས་སུ་གྲུབ་པ་མ་མཐོང་ངམ། འཇམ་དཔལ་གྱིས་སྨྲས་པ། ལྷའི་བུ་ཁོ་བོས་ནི་ཡང་དག་པར་འདུས་བྱས་ཀྱིས་ཡོངས་སུ་གྲུབ་པ་མ་མཐོང་སྟེ། འདུས་
D97.046.0247a05.01མ་བྱས་ཀྱིས་ཀྱང་མ་ཡིན་ནོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་འདུས་བྱས་སུ་གཏོགས་སམ། འོན་ཏེ་འདུས་མ་བྱས་སུ་གཏོགས། འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་འདུས་བྱས་སུ་གཏོགས་པ་ཡང་མ་ཡིན། འདུས་མ་བྱས་སུ་གཏོགས་པ་ཡང་མ་ཡིན་ནོ། །དེ་ཅིའི་
D97.046.0247a06.01ཕྱིར་ཞེ་ན། གལ་ཏེ་འདུས་བྱས་སུ་གཏོགས་པར་གྱུར་ན་ནི་བྱིས་པ་སོ་སོའི་སྐྱེ་བོ་ཐམས་ཅད་དང་འདྲ་བར་འགྱུར་རོ། །གལ་ཏེ་འདུས་མ་བྱས་སུ་གཏོགས་པར་གྱུར་ན་ནི་ཉན་ཐོས་དང་རང་སངས་རྒྱས་ཐམས་ཅད་དང་འདྲ་བར་འགྱུར་རོ། །ལྷའི་བུས་སྨྲས་པ། འཇམ་དཔལ་གལ་ཏེ་ཁྱོད་འདུས་བྱས་སུ་གཏོགས་པ་
D97.046.0247a07.01