完整藏文原文 · 德格版页 当前仅加载第 46 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་ཡིན་པའོ། །སེམས་ཅན་ཡོངས་སུ་སྨིན་པར་བྱེད་པའི་ཐབས་དང་ལྡན་པའི་བསྡུ་བ་ནི་ལེགས་པའོ། །སེམས་ཅན་ལ་མི་ལྟ་ཞིང་ཐབས་དང་མི་ལྡན་པར་བསྡུ་བའི་དངོས་པོ་སྟོན་པ་ནི་ལེགས་པ་མ་ཡིན་པའོ། །ཕ་རོལ་ཏུ་ཕྱིན་པ་དྲུག་ཚོལ་བ་ནི་ལེགས་པའོ། །ཕ་རོལ་ཏུ་ཕྱིན་པ་དྲུག་
D97.046.0246b01.01གི་མི་འཐུན་པའི་ཕྱོགས་ནི་ལེགས་པ་མ་ཡིན་པའོ། །ཤེས་པས་བྱས་པའི་ལས་རྣམས་ནི་ལེགས་པའོ། །ང་རྒྱལ་གྱིས་བྱས་པའི་ལས་རྣམས་ནི་ལེགས་པ་མ་ཡིན་པའོ། །མཛའ་བ་བརྟན་པ་ནི་ལེགས་པའོ། །ངན་པ་དང་བཤེས་པ་ནི་ལེགས་པ་མ་ཡིན་པའོ། །དགེ་བ་བཅུའི་ལས་ཀྱི་ལམ་
D97.046.0246b02.01ལ་སྟེན་པ་ནི་ལེགས་པའོ། །མི་དགེ་བ་བཅུའི་ལས་ཀྱི་ལམ་དུ་ཞུགས་པ་ནི་ལེགས་པ་མ་ཡིན་པའོ། །སྡིག་པའི་ལས་ཐམས་ཅད་མི་སྤྱོད་པ་ནི་ལེགས་པའོ། །སྡིག་པའི་ལས་ཐམས་ཅད་ལ་ཞུགས་པ་ནི་ལེགས་པ་མ་ཡིན་པའོ། །ལྷའི་བུ་དམིགས་པ་ཅན་གྱི་རབ་ཏུ་འབྱུང་བ་ནི་ལེགས་པ་མ་ཡིན་
D97.046.0246b03.01པའོ། །སྟོང་པ་ཉིད་སྨྲ་བའི་མངོན་པར་འབྱུང་བ་ནི་ལེགས་པའོ། །འཇིག་རྟེན་རྒྱང་ཕན་པའི་གཏམ་སྨྲ་བའི་སེང་གེའི་ཁྲི་ནི་ལེགས་པ་མ་ཡིན་པའོ། །བྱང་ཆུབ་སེམས་དཔའི་སྡེ་སྣོད་རབ་ཏུ་ཐོབ་པའི་དམ་པའི་ཆོས་ཀྱི་གཏམ་སྨྲ་བའི་སེང་གེའི་ཁྲི་ནི་ལེགས་པའོ། །ཚུལ་ཁྲིམས་འཆལ་བས་
D97.046.0246b04.01དད་པས་བྱིན་པ་སྤྱད་པ་ནི་ལེགས་པ་མ་ཡིན་པའོ། །ཚུལ་ཁྲིམས་དང་ལྡན་པའི་ཐོབ་པ་དང་། བཀུར་སྟི་དང་ཚིགས་སུ་བཅད་པ་ཐམས་ཅད་ནི་ལེགས་པའོ། །ལྷག་པའི་ང་རྒྱལ་ཅན་གྱི་བྱང་ཆུབ་ནི་ལེགས་པ་མ་ཡིན་པའོ། །ལྷག་པའི་ང་རྒྱལ་མེད་པར་ཤེས་པའི་བརྡ་སྤྲོད་པ་ནི་ལེགས་པའོ། །
D97.046.0246b05.01བྱང་ཆུབ་སེམས་དཔའ་རྣམས་ལ་གནོད་པར་སེམས་པ་ནི་ལེགས་པ་མ་ཡིན་པའོ། །བྱང་ཆུབ་སེམས་དཔའ་རྣམས་ལ་སྟོན་པ་ཙམ་དུ་ཕངས་པར་འཛིན་པ་ནི་ལེགས་པའོ། །བྱང་ཆུབ་སེམས་དཔའི་མིང་གིས་རྙེད་པས་འཚོ་བ་ནི་ལེགས་པ་མ་ཡིན་པའོ། །བྱང་ཆུབ་སེམས་དཔའ་ཆོས་སྨྲ་
D97.046.0246b06.01བ་ཡང་དག་པར་སྒྲུབ་པ་ལ་གནས་པའི་རྙེད་པ་ནི་ལེགས་པའོ། །ལྷའི་བུ་དེ་ལྟར་ན་ཇི་ཙམ་དུ་དེ་བཞིན་གཤེགས་པའི་བཀའ་དང་འགལ་བ་དེ་ཙམ་དུ་ཐམས་ཅད་ལེགས་པ་མ་ཡིན་པའོ། །ཇི་ཙམ་དུ་དེ་བཞིན་གཤེགས་པའི་བཀའ་དང་འཐུན་པ་དེ་ཙམ་དུ་ཐམས་ཅད་ལེགས་པའོ། །ལྷའི་བུས་
D97.046.0246b07.01