完整藏文原文 · 德格版页 当前仅加载第 46 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན། གལ་ཏེ་སེམས་ཅན་རྣམས་ན་བར་མ་གྱུར་ན། སྨན་པས་ཀྱང་བྱ་བར་མི་འགྱུར་བ་དེ་བཞིན་དུ། ལྷའི་བུ་གལ་ཏེ་སེམས་ཅན་རྣམས་ཉོན་མོངས་པས་གཟིར་བར་མ་གྱུར་ན། སངས་རྒྱས་ཀྱིས་ཀྱང་མཛད་པར་མི་འགྱུར་རོ། །ལྷའི་བུས་སྨྲས་
D97.046.0254a01.01པ། འཇམ་དཔལ་གང་བྱུང་ན་སངས་རྒྱས་འབྱུང་། འཇམ་དཔལ་གྱིས་སྨྲས་པ། ལྷའི་བུ་སྐྱེ་བ་དང་། རྒ་བ་དང་། ན་བ་དང་། འཆི་བ་བྱུང་ན་སངས་རྒྱས་འབྱུང་ངོ་། །དེ་ཅིའི་ཕྱིར་ཞེ་ན། ཆོས་དེ་དག་སྤང་བའི་དོན་དུ་སངས་རྒྱས་བཅོམ་ལྡན་འདས་རྣམས་འབྱུང་
D97.046.0254a02.01བའི་ཕྱིར་རོ། །ལྷའི་བུས་སྨྲས་པ། འཇམ་དཔལ་གང་དེ་བཞིན་གཤེགས་པས་བྱང་ཆུབ་བརྙེས་ནས་ཆོས་བསྐྱེད་པ་དེ་གང་། ཆོས་བཀག་པ་གང་། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་གཤེགས་པས་བྱང་ཆུབ་བརྙེས་ནས་ཆོས་གང་ཡང་བསྐྱེད་པ་ཡང་མེད།
D97.046.0254a03.01བཀག་པ་ཡང་མེད་དོ། །དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་སྐྱེ་བ་མ་ཡིན། འགག་པ་མ་ཡིན་པའི་ཕྱིར་རོ། །ལྷའི་བུ་སངས་རྒྱས་འབྱུང་བ་སངས་རྒྱས་འབྱུང་བ་ཞེས་བྱ་བ་འདི་ནི་རང་བཞིན་གྱི་ངོ་བོ་ཉིད་ཀྱིས་སྐྱེ་བ་མེད་པའི་ཚིག་{བླ་དགས་,བླ་དྭགས་}སོ། །ལྷའི་བུས་སྨྲས་པ། འཇམ་
D97.046.0254a04.01དཔལ་ཇི་ལྟར་ན་བྱང་ཆུབ་སེམས་དཔའ་བསམ་པ་ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། གང་དམིགས་པའི་ལྟ་བས་ཆོས་གང་ལ་ཡང་ཀུན་ཏུ་མི་སྤྱོད་པའོ། །ལྷའི་བུས་སྨྲས་པ། ཇི་ལྟར་ན་ལྷག་པའི་བསམ་པ་ཕུན་སུམ་ཚོགས་པ་ཡིན། འཇམ་དཔལ་
D97.046.0254a05.01གྱིས་སྨྲས་པ། གང་ནང་དང་ཕྱིའི་ཆོས་རྣམས་ལ་ཆགས་པ་མེད་པའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་སྦྱིན་པ་ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། གང་ཉོན་མོངས་པ་ཐམས་ཅད་ཀྱང་འདོར་ལ་སེམས་ཅན་ཐམས་ཅད་ཀྱང་ཡོངས་སུ་མི་
D97.046.0254a06.01གཏོང་བའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་ཚུལ་ཁྲིམས་ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། ཇི་ལྟར་སྟོན་པས་བསྟན་པ་བཞིན་དུ་སྒྲུབ་ཅིང་སེམས་ཅན་ཐམས་ཅད་ཀྱང་ཚུལ་ཁྲིམས་ལ་འགོད་ལ། ལྷག་པའི་བསམ་པས་བྱང་ཆུབ་
D97.046.0254a07.01