完整藏文原文 · 德格版页 当前仅加载第 46 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སེམས་ཀྱང་མི་འདོར་བའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་བཟོད་པ་ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། གང་ཆོས་ཐམས་ཅད་ཤིན་ཏུ་ཟད་པའི་མཚན་ཉིད་དུ་ཤེས་ནས་སེམས་ཅན་ཐམས་ཅད་ཀྱི་གནོད་སེམས་དང་། ཁྲོ་བ་དང་།
D97.046.0254b01.01ཐ་བ་སྤང་བའི་ཕྱིར་ཐམས་ཅད་མཁྱེན་པ་ཉིད་ཀྱི་ཆོ་ག་མི་འདོར་བའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་བརྩོན་འགྲུས་ཕུན་སུམ་ཚོགས་པ་ཡིན། །འཇམ་དཔལ་གྱིས་སྨྲས་པ། ནམ་བྱང་ཆུབ་སེམས་དཔའ་ཆོས་གང་གི་ཕྱིར་བརྩོན་འགྲུས་བརྩམ་པའི་ཆོས་དེ་ནི་འདི་
D97.046.0254b02.01ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟེ། དེ་ཉིད་ཤིན་ཏུ་ཡང་དག་པར་རྗེས་སུ་མི་མཐོང་ལ། སེམས་ཅན་ཐམས་ཅད་ཀྱི་ལེ་ལོ་སྤང་བའི་ཕྱིར། བརྩོན་འགྲུས་གཅེས་པ་ཡང་མི་འདོར་བ་ནའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་བསམ་གཏན་
D97.046.0254b03.01ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། ནམ་ཆོས་ཐམས་ཅད་རང་བཞིན་གྱིས་སྙོམས་པར་ཞུགས་པར་ཤེས་ཀྱང་སེམས་ཅན་ཐམས་ཅད་ཀྱི་ཉོན་མོངས་པ་འདུལ་བའི་ཕྱིར་ཡང་བསམ་གཏན་བྱེད་པ་ནའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་ཤེས་
D97.046.0254b04.01རབ་ཕུན་སུམ་ཚོགས་པ་ཡིན། འཇམ་དཔལ་གྱིས་སྨྲས་པ། ནམ་རྒྱུ་བ་མེད་པ་ཐོབ་པར་གྱུར་ཏེ། སྤྲོས་པ་ཐམས་ཅད་དང་བྲལ་ཞིང་སེམས་ཅན་ཐམས་ཅད་ཀྱི་ལྟ་བ་སྤོང་བའི་ཕྱིར། ཤེས་རབ་ཀྱི་རྣམ་པར་དཔྱོད་པ་ན་སྟེ། དེ་ལྟར་ན་བྱང་ཆུབ་སེམས་དཔའ་ཤེས་རབ་
D97.046.0254b05.01ཕུན་སུམ་ཚོགས་པ་ཡིན་ནོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་བྱམས་པ་ལ་གནས་པ་ཡིན། འཇམ་དཔལ་གྱིས་སྨྲས་པ། ནམ་ཆོས་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདས་པར་མཐོང་བ་ནའོ། །ལྷའི་བུས་སྨྲས་པ། ཇི་ལྟར་
D97.046.0254b06.01ན་བྱང་ཆུབ་སེམས་དཔའ་སྙིང་རྗེ་ལ་གནས་པ་ཡིན། འཇམ་དཔལ་གྱིས་སྨྲས་པ། ནམ་ཆོས་ཐམས་ཅད་ལ་ལས་ཀྱི་རྣམ་པར་སྨིན་པ་མེད་པར་ཤེས་པ་ནའོ། །ལྷའི་བུས་སྨྲས་པ། ཇི་ལྟར་ན་བྱང་ཆུབ་སེམས་དཔའ་དགའ་བ་ལ་གནས་པ་ཡིན། འཇམ་དཔལ་གྱིས་
D97.046.0254b07.01